انتصار السيسي تكشف أسرار لأول مرة عن علاقة الرئيس بعائلته

كشفت السيدة انتصار السيسي قرينة الرئيس عبدالفتاح السيسي، خلال حوار لقاء لها عبر قناة دي إم سي، مساء الخميس، مع إسعاد يونس.


وقالت السيدة انتصار:" طبيعة شخصيته هي هي، ما اتغيرتش من أول ما اتجوزنا، مكنتش بعرف أعمل أكل وهو علمني، وبقى يقف معايا ويساعدني، بمنتهى طول البال والحنية"، مضيفة: "هو حنين جدا جدا على أسرته كلها، أسرتنا الكبيرة والدته واخواته، أكتر صفة بيتوصف بيها حنيته على أهله".



وأوضحت :" كلنا كنا في بيت واحد، والدته كانت معانا كلنا، جمعتنا وقالت لنا إيه اللي ينجح البيت ده، كل واحدة تقول إيه متقولش إيه، كل واحدة تعتبر إنها في بيت لوحدها، كلكم حبايبي، والولاد زي البنات، كانت تقول لو الولاد طلعوا على إن طبيعة كل بيت زي التاني هيبقى فيه توزان، هيحبوا بعض ويعرفوا إيه الصح والغلط والحلال والحرام".



وتابعت: " مكنش فيه شهر عسل، وبعد ارتباطنا دخلت كلية تجارة عين شمس وهو كان اتخرج، قعدنا فترة مخطوبين، بس مكنش فيه وقت لشهر العسل"، مضيفة: "اتجوزنا يوم الخميس، يوم الأحد كان في الشغل".