في أول حوار لها.. انتصار السيسي تكشف قصة ارتباطها بالرئيس

قالت السيدة انتصار السيسي قرينة الرئيس عبدالفتاح السيسي، إنها ارتبطت بالرئيس السيسي، أثناء دراسته بالجامعة، وكنت أدرس في الثانوية العامة".

وتابعت خلال لقاءها في برنامج "صاحبة السعادة" على قناة دي إم سي، مساء الخميس:" احنا قرايب، والدة الرئيس السيسي خالة والدتي، كان معروف إن ليه طبيعة خاصة، وشديد وله رأي مميز وإنسان جد، وكنت معروفة إني هادئة جدا في العائلة".

وأضافت خلال حديثها عن الرئيس السيسي:"قال لوالدته إنه شايف فيا كل الصفات اللي حاببها، وبعدين جه لجدتي اللي هي خالته، وقالي انتي تذاكري كويس عشان دي اللي هتقف جنبنا، وكان باين إنه إنسان مسئول".

وتابعت:" كان ضابط وعارف إنه هيكون مسئول وعارف إنه هيسيب البيت وعايز حد ياخد باله من بيته، مضيفة:" زوجة الضابط سواء كان في القوات المسلحة أو الشرطة هوا نفس الوضع، لأنها متحملة مسئولية كل حاجة أب وأم في نفس الوقت".