نشر الفنان محمد عطية، عبر حسابه الشخصي على موقع التواصل الاجتماعي "فيسبوك" صورة تجمعه بخطيبته ميرنا الهلباوي ويروي من خلالها قصة لقائهما.

"برص" يحل ضيفا على أول لقاء رومانسي لمحمد عطية وميرنا الهلباوي

وعلق "عطية" على الصورة قائلاً "من اربع سنين قابلت ميرنا في الراديو كانت بتعمل معايا لقاء عشان اغنيتي الجديدة انا و انطوني توما و لما قعدنا نتكلم كنت معجب جدا بافكارها و قناعاتها و خدت رقمها و بعد ما مشيت من الراديو انطوني قاللي( علي فكرة انت هترتبط بميرنا ) و ضحكنا و خلاص و حاولت المحلها اليوم ده علي الواتس اب باليل و احنا بنتكلم اني معجب بيها و هي ما كانش في بالها".

10 معلومات لا تعرفها عن ميرنا الهلباوي خطيبة محمد عطية.. الـ5 ستدهشك!

وأضاف "و بعدين عرفت انها مصاحبة و بعدها اتخطبت ففقدت الامل و بقينا صحاب و فضلنا نتكلم من وقت للتاني و بعدين سافرت لبنان قعدت فترة كبيرة هناك و خلال الوقت ده كنت ضد الارتباط و الجواز لحد ما رجعت و اتفقنا نتقابل عشان بقالنا فترة ماشفناش بعض و نزلت قابلتها و بنتكلم و في نص الكلام بسألها عن خطيبها قالتلي انهم انفصلوا و هنا كل حاجة اتغيرت و بدأت اشوفها تاني برة منطقة الصداقة و كنت عارف كويس اني لو فتحت باب اني احب تاني هتكون ميرنا حب حياتي عشان مختارها بعقلي و قلبي مش قلبي بس و عشان الارتباط بحد كنت صديق ليه بيكون مختلف تماما و مختصر مسافات كتير".

واختتم عطية " كل حاجة مشيت بسهولة و بسلاسة و فجأة اكتشفت اني مستحيل اقدر اكمل حياتي من غيرها و اني اليوم اللي مابتبقاش موجودة فيه بيكون سخيف و من كتر ماهي انسانة مريحة و سوية و بحس معاها اني مش محتاج اكون شخصية تانية لقيتني بقول لأمي عاوزين نروح مقابل مامت ميرنا ووصلنا من الراديو للحظة اني اخترت اكمل حياتي معاها ... شكرا علي وجودك و شكرا انك وافقت تكوني معايا بحبك".

وردت ميرنا الهلباوي "أنا سعيدة جدًا لأننا التقينا زممتنة جدًا لكل دقيقة قضيناها معًا شكرًا لوجودك في حياتي، لم أفكر أبدًا في أن رجل أحلامي موجود وقريب جدًا شكرا لكونك أنت وشكرا لك للسماح لي أن أكون على طبيعتي أنت دعائي المستجاب.. أحبك كثيرًا كحبيب، عاشق ، كصديق وانسان".

يذكر أن الفنان محمد عطية، فاجئ جمهوره، بخبر ارتباطه من بمذيعة الراديو ميرنا الهلباوي، حيث تصدر اسم الثنائي قوائم الأكثر بحثًا عبر "جوجل"، بعد ساعات قليلة من إعلان خر الارتباط، وأثار الخبر ضجة كبيرة عبر مواقع التواصل الاجتماعي.

بدأ الفنان محمد عطية، حياته الفنية بعدما نجح في في الموسم الأول من برنامج "ستار أكاديمي"، وشارك في عدد من الأعمال الفنية، ثم غاب عن الساحة الفنية، حتى عاد في عام 2018 وأصدر فيديو كليب "حكاية جديدة".