بالصور.. استغاثة برئيس الجمهورية تكشف عن «مصيبة» في التأمين الصحي بالسويس

استغاثت أسرة طفلة تدعى أمنية حمدي، 8 سنوات،  برئيس الجمهورية ووزيرة الصحة، بعد تعرض الطفلة للإهمال داخل مستشفى تأمين صحي بالسويس، وتعرض جرحها للصديد.

وقالت أسرة الفتاة في استغاثتها على جروب "حوادث السويس الأصلي أكبر تجمع سويسي" على " فيسبوك" صرخة أم في مستشفي التأمين الصحي بالسويس، إلحقنا يا سيادة الرئيس، إلحقي بنتي يا وزيرة الصحة.

وتابعت قائلة: «أنا أم محجوزة في مستشفي التأمين الصحي، مفيش حد بيجي يشوف بنتي، ولا يديها علاج لدراعها، وصل بينا الحال الجرح عمل صديد وسوس مفيش حد بيجي يغير لبنتي على الجرح لحد ما عمل صديد وبيجيب دم  بيغرق الدنيا».

وأضافت قائلة: «بنتي بتموت.. أنا عايزة حد يرحمها من الوجع ويقولي أعالج بنتي إزاي حد عندة رحمة، يا سيادة الرئيس بنتي رمينها في التأمين من غير علاج أو حتي غيار يطهروا به الجرح طفلة 8 سنين تتحمل الوجع دة، حالة أمنية مجدي في التأمين في الدور الرابع".