الورقي
تصرف صادم من شركة فودافون مع عميل بعد سحب رصيده
اعرب أحد عملاء شركة فودافون مصر، عن إستيائه من الشركة، بعد تعرضه لسحب رصيده في مقابل خدمة لم يشترك فيها، وبالرغم من قيامه اتصاله بخدمة العملاء إلى إنه لم يتوصل لحل ولم يتم إعادة الرصيد له.
وقال في منشور تحذيري له من التعامل مع الشركة على جروب The power of social media in egypt (without fear)، على فيسبوك:" هكلمكم انهاردا مع موقف من فودافون مصر هيخليني أحول خطي لشركه تانية".
وقال :" انا امبارح بليل جيت من الشغل تعبان جدا وباقتي بتشطب قلت ماجدد باقتي شحنت من خلال محفظة فودافون كاش ب 225 جنيه".
وتابع قائلاً:"اداني 160 ج جدللي باقة نت والمفروض اني هيفضل 100 علشان باقة فليكس والمكالمات بجدد باقة فليكس من خلال تطبيق انا فودافون زي مابعمل كل مره يكتبلي عذرا برجاء المحاولة في وقت اخر وفضلت اجرب مفيش من تعبي نمت وصحيت لاقيت الرصيد اختفي 101 ج اختفوا من الرصيد".
وأضاف قائلاً:"بكلم موظف خدمة العملاء واظن ان الشركة بتسجل مكالماتها وممكن ترجع للمكالمة بيقلي الخصم تم علي كذا وكذا وكذا من خدمات فودافون دول خاصمين 6 ج وخدمة تانية خاصمة 95 ج .. انا اتعملي فريز كدا خدمة ايه ؟ بيقلي خدمة العب واكسب !! العب واكسب ايه دي مش فاهم !! بيقلي موقع انت حاطط رقمك فيه ؟؟ قلتله انا مبستخدمش مواقع انا راجل شغال فالماركيتنج يعني مستحيل احط بياناتي في اي موقع قالي بكل برود لا انت حاطط رقمك والخدمة دي خصمت 95 ج من رصيدك ردي ايه الحل دلوقتي بكل برود يرد هي فعلا خصمت كل رصيدك .. شكرا ونهيت المكالمة .. فودافون .. شركة بتصرفاتها بتخسر عملائها + موظفين خدمه عملاء في منتهي البرود، مش فارق معايا الفلوس علي قد اللي حصل".
