الورقي
خاص وعاجل ... مفاجآت مدوية وراء أحداث مباراة الأهلي ودجلة
علم النبأ تفاصيل الحوار الذي دار بين جهاد جريشة حكم ساحة مباراة الأهلي ودجلة ووائل فرحان حكم تقنية الفيديو في اللعبتين التي اشعلتا حالة كبيرة للغاية من الجدل.
البداية من الكرة المشتركة بين رامي ربيعة مدافع الأهلي ومروان حمدي مهاجم دجلة حيث سقط الأخير داخل منطقة الجزاء بعد التحام بربيعة ليطالب بضربة جزاء الا ان حريشة رأي الكرة عادية وليس بها عرقلة او تعمد ايذاء او احتكاك جسدي قوي وذلك بسبب قاعدة الكتف القانوني المعروفة ومع ذلك سأل وائل فرحان عبر دائرة الاتصالات اللاسلكية ودار الحوار التالي
جريشة : وائل الكورة فيها حاجة عندك
وائل : لا انا راجعت الحالة وهي كتف قانوني وقرلراك صح ومفيش ضربة جزاء.
اما الحالة الثانية فقد احتسبها جريشة هدف بالفعل وكان لا ينوي التراجع فيها الا ان فرحان استدعاه ودار الحوار التالي
وائل : كابتن جريشة استني على السنترة عشان انا باراجع الجون عندي وشكله مش صحيح
جريشة : في ايه يا وائل
وائل : في لاعب متسلل بس مشتركش في الكورة لكن تقريبا اعاق ايمن اشرف من الوصول ليها قبل لما توصل لمهاجم دجلة ... هي حالة غريبة شوية
جريشة : طيب هنعمل ايه دلوقتي
فرحان : تعالي يا كابتن نراجعها مع بعض كدة
جريشة : طيب انا جايلك
وائل : اهو يا كابتن اللي انا بأقول عليه بص على اللاعب رقم 4 بتاع دجلة متسلل ومتداخل جسديا مع أيمن أشرف
جريشة : ايوة انا واضح ليا ده فعلا اللاعب 4 منع ايمن اشرف من الوصول للمهاجم اللي لعب الكورة وبالرغم انه مش متداخل بس كدة هو استفاد من التسلل ... ده اول حالة تسلل تتحسب في مصر بالشكل ده بس هي موجودة في القانون
وائل : هتعمل ايه يا كابتن
جريشة : هألغى الهدف طبعا لأنه غير صحيح
