الورقي
محمد فضل ينفجر بعد مهاترات الشياطين في الوسط الرياضي
بعد أن فاض به الكيل من المهاترات التي تحدث في الوسط الرباضي، خرج محمد فضل عضو اتحاد الكرة عن صمته، وكتب على حسابه الشخصي على "فيس بوك" يقول: "فيه فرق بين نقد وبين قلة ادب فيه فرق بين صح وغلط فيه فرق بين اشاعات وحقائق ، للاسف مش معني انك تكتب او تطلع في قناة تقول معلومات وكلها غلط وتعمل فيها سابق عصرك يبقي انت كدة سباق ورقم ١ وهتظهر اكتر والناس هتتهافت عليك ما انت بتقول حاجات كلها للاسف فيها سب وقذف وتنكيل واحنا شعب عاطفي بيحب بسرعة وبيكره بسرعة بس طيب جدا"
وتابع فضل: "احنا طالعين من رمضان واللي كانوا محبوسين طلعوا ياريت ايامنا كلها تبقي رمضان علشان نراعي ربنا ونعيش حياة نضيفة ...للاجيال القادمة والشباب والناس اللي نفسها في فرصة فكروا واعقلوا ومتسمعوش كل ما يقال خصوصا ان الاطماع كثيرة والاغراض كثيرة "
وواصل: "اول ما تسمع حاجة او تقرأ حاجة فكر بالراحة واعقلها ...اصعب حاجة ان الرياضة تتحول الي عقيدة استغفر الله وبعدين تبتدي تدافع من غير ماتسمع تدافع وانت غلط تدافع بعاطفة وليس علم وليس ببينة، ليه اي حد ملوش غرض وماشي نضيف وصح نبتدي نطلع عليه اشاعات يا جماعة فكروا قبل ما تتساقوا معنويآ وانتم مش حاسين ...طبعا كلامي عام وليس شخصي بس فعلا الموضوع بوخ وكتر ونفسي الامور تتعدل وبلدنا تبقي حلوة وبإذن الله هتبقي حلوة غصبآ عن اي حاقد ومغرض"
