الورقي
اشتعال حرب السوشيال.. شقيق ياسمين عبد العزيز يكشف سر العلاقة بين العوضي وأخته
بعد ان أثار وائل شقيق الفنانة ياسمين عبد العزيز الجدل على السوشيال ميديا بالهجوم على أحمد العوضي، واتهامه بالطمع في ثروة وشهرة شقيقته التي تكبر العوضي ب 10 سنوات؛ الأمر الذي أستفز ياسمين عبد العزيز وجعلها تعلن رسمياً حبها للعوضي عبر حسابها الشخصي على " إنستجرام"، كما فعل أحمد العوضي نفس الشيء بنشر صورة تجمعه بالفنانة معلنا حبه لها .
من جانبه هاد " وائل" لمهاجمة " العوضي" من جديد ونشر منشور عبر حسابة الشخصي "فيسبوك" قال فيه:" ردّك متوقع جدا لان هو ده أسلوبك ومش هيتغير بس انا هرد عليك
بالنسبه ان احد بيصرف علّيا عمرها ما اديتني جنيه في جيبي وأحب افكرك اني قاعد في بيت ايجار وراكب عربية تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر .. ويادوبك حوشت عشان اغير عربيتي قريب ..وحتي لو حد من اهلي ساعدني في وقت ضيقه انت مالك !! .. والا معندكش كلام تقوله !!!؟.
اما الشغل الي انا فاشل فيه فا لو بتعتبر ١٧ جايزه اخدتهم في اربع سنين فشل فا ياريت تعرف تبقي فاشل زاي لكنك مش هتعرف للاسف ..
ومش انت الي تحدد فشلي ونجاحي في اَي شيء لانك طالع على رقبه الناس .. اما اختي فالمواقف والسنين الي فاتت هي اللي هتبين انا عملت عشانها ايه .. وكلمه اني طالع على حسها كل الناس عارفه اني شقيت طريقي لوحدي من ١٥ سنة وعلى الرغم من ده فا انا عادي ابطل تمثيل من بكره قدام مصالح اختي .
اخيرا بقي .. ردّك ده علّيا اثبتلي انك ولا همك الانسانه اللي انت ماشي تعاكسها في كل حته وعلى صفحات السوشيال وسيبت المهم وابتديت في تشويهي ومفكرتش تاخد خطوة محترمه تجاهها الا انك جريت على الترند وهتشتغل شغل قذر لان ده اللي يهمك "ترند " " دور بطولة " " فلوس " " عربيات " ..
وبالنسبة للناس اللي بتقول اني بتكلم على موضوع زاي ده على السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس الا أهلها ..
ياسمين سألتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك .. بس مش انت !! لاني اعرفك من سنين وعارف نواياك والأيام هتثبت صحه كلامي ..
ونصيحه مني ليك لما تدخل على ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قويه تاني.. مش يتصور صور زاي دي يا محترم ..
واخيرا في ٥ اكونت باسمي على فيس بوك وانستجرام معرفش عنهم حاجه .
