ads
ads

بالصور| بمشاعر متخلبطة.. مجدي الهواري يحتفل بمرور عام على «3 أيام في الساحل»

3 أيام في الساحل
3 أيام في الساحل
ads

 

احتفل المخرج مجدي الهواري، عبر حسابه الشخصي على موقع "إنستجرام"، بمرور عام على عرض مسرحية "3 أيام في الساحل" برفقة فريق العمل، ونشر صورة جماعية لهم.

 


وقال الهواري: "مشاعر متلخبطة .. بعد الشكر والحب والذي منه .. أحب أقول كلام أول مرة أقوله وأحب إن حضرتكم تشاركوني لحظة مهمة في حياتي الحمد الله عز وجل وفضل ربنا علينا اننا نجحنا كتير .. بس في مشاريع تفضل علامات في حياتنا زي محطات الواحد يتسند عليها عمره كله وتفضل منورة كده وتنور اللي حواليها !! من و الي".

 


وأضاف: "النهارده عيد ميلادها السنة .. وحابب اقول كلام كتير عنها حاجات محتاجة تتكتب في كتب كانت هي وش القفص كانت هي الخبرة والبداية شافت ايام وليالي اللي هي مسرحية #٣ايام_في_الساحل ".


 

وتابع: "أول مسرحية فتحنها من سنه واللي النهارده بنحتفل إن مر عليها سنة من عمر CairoShow# اللي بتحتفل بـ ابنها البكري النجم صاحب عمري #محمد_هنيدي وعصابته حبيبي #بيومي_فؤاد واللي انا والفرقة قررنا يبقي وزير خارجية الفرقة و #محمد_ثروت و #محمد_محمود وكواليس كلها ضحك وانبساط لما يضحكونا بـعلاقتهم ببعض وافيهات شربات علي صموايل وأمه ومسرحية صغيرة في الكواليس مع بعضهم و #احمد_فتحي وامصاته اللي كلها طفولية #ومها_ابوعوف الديڤا اللي معانا وفي نفس الوقت مش معانا باافشتها الرهيبة و #ندا_موسي المشاغبة اللذيذة والكهربا الزيادة 😜 #وسامية_الطرابلسي المجتهدة ".

 


وأكمل: " بعد سنه كلها ذكريات جميلة بـضحكنا وزعلنا وفرحنا يا ناس جت وناس مشيت كتير وفضلنا احنا مكملين #بالحلم اللي صدقناه ومشينا وراه وحققنا والكواليس الممتعة واللحظات الجميلة لكل الشاغلين في المسرحية .. الجمهور و الانتاج والإخراج والموسيقي والأغاني والملابس والديكور والإضاءة والممثلين الثانويين والراقصين والادارة المسرحية والكنترول روم كله تعب وصدق علشان يبقي في مسرحية اسمها #٣تيام_في_الساحل مشاعر متلخبطة والله كتير اوي بين الفرح والضحك علشان نجحنا ..وبين الزعل والعياط علشان هيوحشوني لانها فعلاً كواليس من العمر".



مسرحية "3 أيام في الساحل"من بطولة محمد هنيدي، بيومي فؤاد، محمد ثروت، مها أبو عوف، محمد محمود، ندى موسى، أحمد فتحي، ومن إخراج مجدي الهواري.