بسبب نملة.. سارة النخلة تخضع لعملية جراحية
تعرضت الفنانة السورية سارة نخلة، خلال الأيام الماضية، لوعكة صحية، أدت إلى دخولها المستشفى لإجراء عملية جراحية.
ونشرت نخلة صورة لها، من داخل المستشفى، عبر صفحتها الرسمية بموقع "إنستجرام"، وعلقت:" أنا أول مرة بعمل الحركة دي، ولا عمري حبيت حد يشوفني تعبانة أو ضعيفة، بس الحوار غريب شوية أو شويتين الحقيقة".
واستطردت: "دي كانت ليلتي في المستشفى بعد ما روحت البيت، بعدين حسيت بوجع رهيب روحت المستشفى وعملت نقدر نقول نصف عملية عشان التخدير كان موضعي عشان مش عارفة استحمل الألم".
وتابعت: "بس غير إني كان عندي برد أصلا و بقالي أربع أيام مش باكل كويس ومش بنام كويس، وكل شوية بدوخ بس السبب اللي دخلني المستشفى بالليل وبكل بساطة هو نملة، صدقوني نملة، تخيلوا لما تبقوا طول الوقت بتحاولوا تبقوا أقوى وكويسين و تيجوا على نفسكوا وفي الآخر نملة تدخلكوا العمليات ".
وأوضحت: "ببساطة نملة قرصتني عملت التهاب بعدين خراج وكل ده أنا فاكرة إنها ناموسة عادية عشان أنا جسمي حساس جدا، بس وصلت لدرجة بالليل اني مش عارفة أقعد دقيقة من الوجع والسخونية والدوخة ودخلت الطوارئ على طول، والدكتور فتح الخراج طبعا كنت بموت من الوجع بس الحمدلله عدت على خير، الحمدلله على كل حال وأنا في بيتي دلوقتي بس يارب أبقى أحسن و الجرح يلم بسرعة عشان أقدر أوقف تاني".
يذكر أن آخر أعمال "نخلة" مشاركتها في حكاية "كله بالحب" ضمن مسلسل "نصيبي وقسمتك 3"، بطولة شريف سلامة، إيمان العاصي، أيمن عزب، هاجر أحمد، تأليف عمرو ياسين.