بالصور.. مجدى الهوارى يتذكر رسائل مفرحة كان يتلقاها من «الفيشاوي»

حرص المخرج مجدي الهواري، على تذكر الفنان فاروق الفيشاوي، بطريقته الخاصة، فشارك متابعيه عبر حسابه الشخصي على موقع تبادل الصور والفيديوهات «انستجرام»، بصور جمعت بينه وبين الراحل، من مسرحية «الملك لير»، والتي يشرف عليها فنيا. 

وكتب «الهواري»، على الصور التي جمعت بينه وبين «الفيشاوي»: «صباح الخير من روقة في رسالة كانت بترسم على وشي ابتسامة جميلة، قمت النهاردة لقيت الصبح مش زي أي صبح!! صباح مفيهوش فاروق الفيشاوي، مفيش حد هيبعتلي رسالة تاني من تليفونه الخاص ويقولي فين رسالتك الجميلة يا مخرج ويا منتج (بطريقته الجميلة)، وفين الأخبار اللي بتسلك اليوم وتملأه طاقة إيجابية؛ لما كنت ببعتله أخبار نجاح المسرحية والتعليقات وردود أفعال الناس على دوره جلوستر في كينج لير أو شهاب في الشارع اللي ورانا، مفيش كده خلاص!! مفيش كلام تاني!! مفيش فاروق الفيشاوي تاني».

وتوفىّ الفنان فاروق الفيشاوي، صباح يوم الخميس، عن عمر يناهز 67 سنة، بعد صراع مع مرض السرطان.