ads

«أنتِ ست مجنونة».. سيدة بـ«مدينتى» تتعرض لـ«وصلة سب وإهانة» من هشام طلعت مصطفى (صور)

هشام طلعت مصطفي_ أرشيفية
هشام طلعت مصطفي_ أرشيفية
مي بدير


كشفت إحدى ساكنات «مدينتي» عن استيائها من المهندس هشام طلعت مصطفى؛ واتهمته بإهانتها وسبها بعد تقدمها بشكوى من مجموعة 111 التي تم نقلها إليها بدلاً من 112 التي كانت تسكن فيها وكان يوجد فيها شروخ ومشاكل، واستفسارها عن كيفية بداية عمله في إنشاء مشروع «privado» في ظل تواجد مشاكل بـ«مدينتي».

وقالت في منشور لها على جروب بـ"مدينتي" بفيسبوك": «أنا كنت ساكنة في مجموعه 112 وعمارتي كانت مليانة شروخ وبعد شكاوى كتيرة تم استبدال شقتي بشقة ثانية بمجموعة 111».

وتابعت: «كان الأستاذ هشام ماشي بالموكب بتاعه في زيارة لمنطقة B11، وكان يستقل الأتوبيس طلبت مقابلته، وبالفعل قابلته وقلتله لازم الاهتمام بمجموعة 111 لأننا حرام اتظلمنا والمجموعة مش بنفس امتيازات مجموعة 112 اللي أنا اشتريتها وأنتم بدلتولي بشقة علشان فيها شروخ بس مجموعة 111 مش بنفس مميزات مجموعة 112».

واستكملت: «فقال لي إيه المشاكل اللي في مجموعة111، قالت له المساحات الخضراء صغيرة، وطلب بيانات العمارة وطلب من موظف بجواره يشوف إيه المشكلة ويعرضها عليه». 

وطلبت منه الساكنة بعقد اجتماع مع سكان المجموعة؛ بسبب وجود عدة مشاكل تحتاج إلى عرضها عليه، فقالها: «إيه مشكلتك انتي ملكيش دعوة بحد».

وأضافت: «بريفادو بجد جميلة جدا وحاجة محترمة ومشرفة بس إيه موقف مدينتي وحل مشاكلها، وبمجرد ما سمع كلمه "بريفادو" كان الرد مفزغًا وغريبًا وبدون مبررات وبصوت وزعيق لأخر الدنيا وأنا مصدومة وبيقولي: (أنتي قليلة الأدب)، قلتله: عيب تتكلم كده، عيب أنا واحدة ست تتكلم معايا كده، قام قايلي: (أنتي ست مجنونة، امشي انزلي، أمشي انزلي بره الأتوبيس)...»

وختمت: «نزلت وأنا كلي صدمة وبكاء وانهيار مما حدث، يعني مش كفاية مستحملة المشاكل اللي في المدينة والبهدلة اللي اتبهدلتها علشان الشروخ اللي عندي والعزال والنقل، هي دي آخرتها ودي شركاء النجاح، أنا فعلا مصدومة من اللي بيحصل ولهم حق الجهاز والموظفين يقلوا أدبهم على السكان لما بيشوفوا كبيرهم بيعمل كده».
«أنتِ ست مجنونة»..
«أنتِ ست مجنونة»..