بالصور.. تحذير هام جدًا لـ«سكان التجمع الخامس»

وكتب الساكن منشورًا على إحدى مجموعات التجمع الخامس عبر موقع التواصل الاجتماعي «فيسبوك»، جاء نصه كالآتي: 

«أحب أنبهكم أن موضوع السرقات زاد جدا بالتجمع وبالأخص بالنفسج.. أمس بعد الفطار بنصف ساعة سيارة جار لينا كانت بتتسرق وبالفعل الحرامي فتحها وابني شافه ونده علينا والحرامي جري، ومن ساعتين فقط أتصل بي صديق مسافر خارج مصر وأرسل رسايل على الواتس آب إن في حرامي دخل الفيلا الخاصة به للسرقة وفي خلال 3 دقائق كنت هناك واتصلت بأخي بالفيلا المجاورة مع صديق لنا والغفر ومسكناه متلبس.. المهم لازم فعلا ناخد بالنا على بيوتنا وأولادنا.. لازم كاميرات مراقبة.. لأن لولا كاميرات المراقبة جارنا ماكنش عرف أي حاجة وكانت الفيلا اتسرقت.. فعلا يا جماعة خالوا عندكم حرص على حياتكم وعلى أولادكم الجريمة والسرقة بتم بسرعة لأن الحرامي وبالأخص حرامي المنازل بيكون هجام يعني مستبيع وغالباً بيكون شارب مخدرات علشان لما يتمسك ويضرب مايكونش فايق للضرب ولا قدر الله ممكن تقترن السرقة بجرائم أخرى مثل القتل لا قدر الله لأن الحرامي أو الهجام بيكون غايب عن وعيه وممكن يعمل أي حاجة للهروب.. علشان كده لازم نتعاون جميعا كجيران إننا مانستخسرش ومانكسلش عن تركيب كاميرات للمراقبة اللي فعلا بتساعدنا وبتساعد رجال الأمن في تتبع المجرمين واللصوص والحمد لله اتعمل معاه الواجب واتسلم للشرطة   لاتخاذ الإجراءات».