الورقي
سعد الصغير عن سرقة شقته في شبرا الخيمة: «الحرامية من المنطقة وعارفينا كويس»
كشف المطرب الشعبي سعد الصغير، عن تعرض منزله بشبرا الخيمة للسرقة، موضحا أن أسرته اكتشفت السرقة، عقب عودتهم من فيلته بأكتوبر، وذلك أثناء تواجده خارج مصر لإحياء جولة غنائية.
وقال «الصغير»، إنه عقب عودته وزوجته من فيلا أكتوبر لمنزلهما في شبرا الخيمة اكتشفا أن الشقة على البلاط، وهو ما حدث بـ3 شقق أخرى في نفس المنزل.
وأَضاف المطرب الشعبي: «الحرامية مخلوش حاجة في الشقة، سرقوا الخزنة وكل فلوسي فيها، لأني مش بشيل فلوس في البنك، وكمان الساعات الألماظ الهدية اللي بتجيلي، و6 شاشات تليفزيون، وحاجات من جهاز بنتي اللى أمي الله يرحمها كانت شيلاها».
وتابع «الصغير»: «المفاجأة إن الحرامية كمان سرقوا سيارة دفن الموتى، وده دليل إن الناس من المنطقة، وعرفينا كويس أكيد، ومتابعين إن مفيش حد في الشقق».
وحرر سعد الصغير، محضرا لمعرفة هوية السارقين، للقبض عليهم، كما قام بتركيب كاميرات في جميع أركان المنزل، وداخل الشارع أيضا، خوفا من تكرار نفس حالة السرقة مرة أخرى.
