الورقي
بالصورة.. محمد إمام يروي تفاصيل إنقاذ أحمد السعدني له في «هنا وسرور»
أشاد الفنان محمد إمام بالفنان أحمد السعدني بعد وقوفه بجانبه، خلال تصويره فيلم «ليلة هنا وسرور» بعد اعتذار نجم كبير من المشاركة في العمل ليحل محله أحمد السعدني.
ونشر محمد إمام صورة تجمعه بـ«السعدني» أثناء حفل زفافه، عبر حسابه الشخصي على «إنستجرام»، فى فيلم «ليلة هنا وسرور» وعلق عليه بقوله: «كان المفروض فى نجم كبير هيقوم بدور ابن عمي «سلطان».. النجم ده اعتذر فى آخر وقت لظروف خاصة بيه».
وأضاف: «والمشهد كان فعلًا صعب و كان بقٰلنا كتير بنستعد له مع فريق الأكشن اللي جاي من بره.. ده غير إن الديكور كان مبنى وكانت هتبقى خسارة جامدة للمنتج لو كنا أجلنا تصوير المشهد».
وتابع: «المهم كلمت أحمد السعدني وكان لسه خارج اليوم اللى قبلها من المستشفى لأسباب صحية وقولتله "عندي مشكلة ومحتاجك".. نص ساعة ولقيته داخل عليا في التصوير.. قعد يتمرن يوم بحاله وهو عيان على مشهد الأكشن اللى هيصوره وتاني يوم قعد حوالي٢٠ ساعة يصور في المشهد دون أى مقابل.. السعدني أكبر مثال على "الأخ الجدع" .. ربنا يخليك ليا يا أخويا يا حبيبي».
