بالصور.. طالبة «إعلام حلوان» تتعرض لـ«علقة موت» في الجامعة.. ورد صادم من «الأمن والشباب»

تداول رواد مواقع التواصل الاجتماعي، منشورًا على «فيسبوك» يوثق واقعة تعرض طالبة بكلية الأداب قسم الإعلام بجامعة حلوان للضرب المبرح على يد شاب داخل  حرم الجامعة.

وأضاف المنشور «الأغرب في الموضوع ، أن الطالبة بتقول كان فيه ولاد كتير شباب محدش قاله أنت بتعمل ايه..؟!! حررت محضر في الأمن، وعملت مذكرة ويبقوا قابلوني لو حقها جه او اتردت كرامتها اللي اتهانت من الناس اللي سابوها للحيوان ده يضربها».

وتابع:  «اللي انا بسأله لنفسي والشباب هو احنا اتغيرنا أوي ليه كده ؟ كان زمان الواحد مكنش بيحب يشوف أي واحد غريب في المنطقة عشان كان معروف انه جاي يعاكس بنت (الحتة) الوقتي بقا الأمر عادي كده البنت تتضرب قدامنا ولا نتحرك .. بقا عندنا انعدام مشاعر وتبلد في الأحاسيس وغياب المروءة والشهامة.. مش هقول للبنت دي غير إننا قصرنا في حقك». 

وأثارت الواقعة، رودود أفعال غاضبة، الذين صبوا جام غضبهم على الشاب والأمن، مطالبين بتطبيق أقصى عقوبة على هذا المتحرش بحسب وصفهم.