الورقي
بالصور.. مواطن يكشف عن كارثة بمستشفى الشروق العام
طالب أحد سكان مدينة الشروق بضرورة تفتيش وزارة الصحة على مستشفى الشروق العام نظرا لعدم توافر الخدمات الطبية بها وأطباء لمعالجة المرضي، وقال في منشور له على إحدى جروبات موقع التواصل الاجتماعي " فيسبوك":
"لسكان الشروق مستشفى الشروق العام للاسف مش مستشفي دي عزبة لمدير المستشفي والحاشيه الي وراه والي معاه وللاسف من كثرة الفساد والسرقة وعدم الاهتمام بأرواح الناس الادارة الطبية المسؤولة عن التفتيش والاشراف على المستشفي مش عارفة تعمل حاجة عشان ان البية مدير المستشفي مسنود من حد في وزاره المرض( الصحة ) ولذلك هو واخد رحته، ممكن اسأل سؤال هو في مستشفي مفيش فيها دكتور جراحه ؟
هو في مستشفي مفيش فيها طوارئ ؟
هو في مستشفي مفيش فيها دكتور تخدير ؟ ".
وتابع: " للأسف انا شفت كل ده في مستشفى الشروق العام ، انا حصلي موقفين في شهر واحد والاتنين اقوي من بعض الاول ٨ / ٣ / ٢٠١٨ جرح قطعي باليد اليسري من ٨ - ٩ سم، ذهبت للمستشفي الشروق العام الساعه ٤ عصرا ولا يوجد بها طوارئ ولا دكتور جراحة ولا اي دكتور تاني اثنين ممرضين فقط وقال لي اذهب اي مستشفي اخري بسرعة".
واستكمل : "الثاني ١٨ / ٤ / ٢٠١٨ زوجتي جالها نزيف كانت حامل والمطلوب تعمل عمليه كحت ضروري وبسرعة عشان النزيف ذهبت للمستشفي الدكتور محمد صلاح دكتور النساء والتوليد يقولي مفيش دكتور تخدير ونفس الرد والكلام روح اي مستشفي اخري، كل ده قدمته في شكوي بالادارة الطبية، وهقدملكم صورة ليكم ياريت اسمع صوتكم معايا ننظف المؤسسة المهمة دي من الفساد ".
