«مهزلة» خطيرة داخل فندق «ميراج التجمع».. ومطالب بإغلاقه لهذا السبب

وقالت في منشور لها على أحد جروبات موقع التواصل الاجتماعي " فيسبوك"، " تعرضت ابنتى فريدة وائل أمس لحادث غرق بإحدى الأوتيلات الخمس نجوم بالتجمع الخامس وقدر الله ولطف بنجاة بنتى بكرم ولطف ربنا بينا فقط، البوست ده الهدف الرئيسى منه فضح الأوتيل غير المحترم   Renaissance Cairo Mirage City Hotel والإدارة للأوتيل إللى الإهمال كانت سمته الرئيسية فى الحادث».

وتابعت: «بنتى فريدة كانت تقوم باللعب بالپسين النهارده مع إخواتها خديچه ٧ سنوات وياسين ٨ سنوات مرتديه كتافات ولايف چاكيت على جسمها لصغر سنها لكن بعد نزول المطر على حمام السباحة قررت تيجى تقعد فى حضنى وتترك اللايف چاكيت والكتافات على جنب وبعدين قررت تقعد فى الحديقة جنب قدم رجلى بالظبط تلعب فى الورد والزرع وفجأه لاحظت اختفاءها عن عينى فى ثوان معدودة وتخيلت ذهابها للحجرة الموجودة على مسافة مترين بس على الپيسين دخل بصينا حواليا ونادينا بإسمها لكن من غير رد على العلم إننا كنا الجيست الوحيد على الپيسين إللى معاهم أطفال وأولادى كانوا الوحيدين الموجودين بالإضافه لوجود ٢ لايف جارد قاعدين على الپيسين واحد من الناحية اليمين وواحد من الشمال ولكنهم طبعاً كان أخر حاجه بيبصوا عليها هى الپيسين». 

وتابعت: «جرى والدها ينده ويدور عليها حوالينا بص على الپيسين وجد إخواتها فقط وراح للأوضه يشوفها وفى طريق رجوعه لاقاها مفروشه على وشها فى على الميه ولا أى حد لاحظ غرق البنت بالمنظر ده جرى أبوها بيصرخ والتقطها من المية وكانت تقريباً ميته وشها وشفايفها لونهم ازرق لون الحبر ووشها وبطنها منفوخين بشكل ملحوظ بس مش جداً لولا ربنا اللهم ابوها يدوس على صدرها ويحاول يخرج الميه وتعود البنت تفتح عنيها وترجع وتطلع ميه». 

واستكملت: «كل إللى أنا بحكيه ده والأساتذة مش دريانين جم يجرو زى المتفرجين زوجى انفجر فيهم بوابل من الصراخ والسباب وإبتدى يطلب دكتور لأن حالة البنت كانت غريبة بتروح وتيجى زى ماتكون بداية غيبوبة المفاجأه طبعاً مفيش دكتور فى الاوتيل الذي اقترح إرسال البنت مع أبوها للمستشفى الجوى بالتجمع الخامس  وابتدت الإسعافات للبنت وابتدى الاوتيل يبعتلنا ناس تراضينا علشان تلم الموضوع وتبعتلنا فى ورد وطبعاً جوزى مش ملاحق على تليفوناتهم بالمحايلات عليه يلم الموضوع لدرجة رجعولنا إحنا وأصحابنا تمن الإقامة على الكريديت كارد وأثبتنا استرجاعهم للعملية ورد المبالغ لينا كنوع من الرشوة ده غير انهم رفضوا اخد تمن شيك الأكل والمشروبات المطلوبة على الپيسين كنوع برضوه من الرشوه ميعرفوش إننا متنا ألف مره فى الدقايق دي، نداء الي وزير السياحة بالتدخل لغلق الأوتيل».