بالصور.. إهانة مصطفى رياض وحسن وشاكر ومنعهم من دخول الملعب

ثانياً: رسالة بكل أدب وإحترام لأعضاء مجلس إدارة نادي الترسانة
في جميع الأندية المحترمة "رموز النادي القدامي" ليهم كراسي بأسمائهم في المقصورة قبل أي حد..نجوم النادي هما اللي شقيوا وتعبوا وحفروا إسم النادي اللي إنتوا قاعدين علي كراسيه دلوقتي، قيمة الكرسي اللي حضراتكم عليه من قيمة هؤلاء الرموز.

وقال مؤمن.. ما ينفعش "مصطفي رياض ومحمود حسن وشاكر عبدالفتاح" مع حفظ الألقاب يقعدوا يتفرجوا علي مباراة للترسانة (في ملعبنا) من خلف الأسوار عشان حضراتكم تقعدوا في المقصورة وتقفلوا الأبواب وسايبين الشرطة تتحكم فينا وفي جمهور الترسانة الوفي اللي فيهم ناس مُسنين جايين من الشرقية وإسكندرية عشان تشجع فريقها.

وللأسف دخول المقصورة علي الكيف وتبقي مليانة بالأصحاب والقرايب والمطبلاتية (زملكاوية وأهلاوية) الذين لا يمتوا للترسانة بصلة، ونجوم الترسانة وجمهورها الأصيل (اللي بيدفع من جيبه) وبيروحوا وراها في كل مكان يبقوا قاعدين بره مش عارفين يدخلوا.

وأختتم عضو مجلس الشواكيش السابق كلامه قائلا " والله والله والله الكراسي لو دايمة كانت دامت للي قبلكم، أتمني إنكم تقدرّوا إسم النادي ونجومه وجمهوره اللي بتمثلوه وهم الوقود الحقيقي للفريق مش أي حد تاني وأستثني مما سبق "محمد طارق" الوحيد من المجلس اللي فضل واقف بره مع الجماهير حتي نهاية الشوط الأول وعمل ما في إستطاعته وكان بيحاول يلاقي حل. (لكن إيد واحدة ما تصقفش) .

من جانبه أبدى شاكر عبد الفتاح إستيائه وحزنه الشديد لما حدث معه ومع زملائه وباقي أعضاء النادي متهما الإدارة بما حدث مشيرا إلى أنهم جاملو أصحابهم وأصدقائهم على حساب المشجعين الحقيقيين للفريق وجماهير الشواكيش التي تؤازر الفريق .