بعد رفض طعنه على «بطلان نسب التوأم».. رسالة نارية من زينة لـ«أحمد عز»

ووجهت "زينة"، رسالة نارية إلى "عز"، عبر حسابها الرسمي على موقع الصور الشهير "انستجرام"، أكدت فيها أنه خسر نفسه والقضايا معًا.

وكتبت: "الموضوع اتقفل نهائيًا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا، الشيطان ده قبل مايخسر كل القضايا خسر نفسه اللي مش موجودة أصلًا وضميره المعدوم وحتى شكله اللي بقى استغفر الله العظيم".

 

وتابعت: "نصيحة ليكم إياكم والظلم إياكم والقسم بالكذب، كلمة أقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعة أم ولادك وأنت عارف بتقول كده، بس ياريت تثبت كدبة علشان بتنسى كدبك وكل يوم بقصة".

وأضافت: "شكرًا للأستاذ الكبير المحترم معتز الدكر المحامي اللي تعب معايا وخلاص ارتاح من قلقي والصداع اللي عملتهوله، ومبروك يا أستاذ معتز على قدوم القمر زينة الصغيرة، وربنا يكرمك ويخلي زينة وعبدالله، كملت مسيرة الأستاذ الكبير محمد الدكر الله يرحمه يارب".

وأكملت: "شكرًا الأستاذ عاصم قنديل المحامي الكبير اللي بعتبره واحد من أهلي، أنا تعبتك اوي يا أستاذ ربنا يخلي حضرتك".

وختمت حديثها قائلة: "أرجوكوا سامحوني على الصورة دي واعرفوا إنها مخوفاني أنا كمان والله للأمانة ماكان هو ده شكله، بس الظلم والقسم كدب بينزل غضب ربنا على أغلى حاجة عند الانسان، ودا أغلى حاجة عنده وشه، بعتذر على بشاعة المنظر، دي أحدث صورة للشيطان لقيتها في وشي معلش، وهاشيلها كمان شوية".