رئيس التحرير
خالد مهران
count
count

بالصور.. شقيقة طفل حفل «الساحل» تكشف كواليس غنائه مع «الهضبة» للعام الثاني على التوالي

عمرو دياب مع الطفل
عمرو دياب مع الطفل "محمد" في حفل "الساحل"


تفاجأ جمهور الفنان عمرو دياب، مساء، أمس الجمعة، بصعود طفل صغير إلى المسرح، أثناء إحياء "الهضبة" حفله الغنائي بـ"الساحل الشمالي"، بل ومشاركته الغناء لأكثر من أغنية بألبومه الأخير "معدي الناس"؛ وعلى رأسهم "أجمل عيون".



واتضح أن هذا الطفل، والذي قال إن اسمه "محمد عمرو"، ويبلغ عمره 7 سنوات، سبق وشارك "الهضبة" من قبل، في حفله الغنائي، الذي كان بالساحل الشمالي على نفس المسرح في العام الماضي.



من جانبها، كشفت شقيقة الطفل "محمد"، عن كواليس حضور أخيها حفلتين لـ"الهضبة" في نفس المكان، لعامين متتالين.

وكتبت عبر حسابها الرسمي على موقع التواصل الاجتماعي "فيسبوك": "موضوع محمد أخويا وعمرو دياب في اختصار.. السنة اللي فاتت وزي كل سنة بنروح حفلات عمرو.. ولا في بالي محمد يلبس إيه.. عادي لابس تيشرت بيحبه ومستنيين عمرو عشان نقضي الحفلات.. عمرو أخد باله من محمد في أغنية على حبك شاورله وبعتله بوسة".

وتابعت: "لمحه مرة تانية بيغني ومندمج شاورله برضو زي أحد حد.. في أغنية محمد كان حافظها.. عمرو أخد باله أكتر وقاله تعالى أنا عايزك".

وأكملت: "طلع على الاستيدج وآخر حاجة تخيلتها أنه هيتصور وينزل وبس.. اتفاجئت إنه بيسأله ويقوله حافظ أغاني إيه وعندك كام سنة.. وغنى الليلة وخلينا لوحدينا ووياه وهي عاملة إيه دلوقت.. كان فعلًا أحلى يوم في حياتي ولا كان في ترتيب ولا تفكير من أساسه".

وأضافت: "في 2017 أقسم بالله ولا كنت رايحة الحفلة ولا كان معايا تيكت لأنها خلصت من بدري.. ومحمد نفسه جدًا يروح وزعلان لإنه عايز يشوف عمرو ويروح حفلة زي ما اتعودنا".

وأشارت: "حد كلمني يوم الحفلة العصر وقالي في تيكت تيجي بس بسعر أكتر.. ومحمد زعلان وعمال يقول يلا نروح.. قومنا لبسنا ونزلنا".

ولفتت: "رايحين عشان ننبسط برضو.. وقفنا أول صف ومحمد عامل شعره زي حفلة مارينا زي كل الشباب لأنه بيقلد عمرو دايمًا.. طلع عمرو وإذ فجأة يبص ويشاور أول لمحمد.. أنت تاني مش كنت هنا السنة اللي فاتت".

واستطردت: "حفظت الألبوم ولا لسة محمد قاله أه.. قاله هشوف واختبرك استنى.. غنى عمرو وكله هاص.. مرة تانية قاله وريني لابس إيه.. وخلى حد يرفعك الناس تشوفك".

وأوضحت: "بعد كده قاله يلا تعالى وغنى حاجات أقسم بالله حاجات أنا معرفش امتى وازاي حفظها وقولت أكيد محمد مش هيعرف يغني لإنه سمع الألبوم الأسبوع اللي فات".

وختمت حديثها قائلة: "ولا متفقين ولا ترتبين ولا نعرف عمرو غير زي ما كل الناس تعرفه".



وبسؤال إحدى المتابعات عن سر قول "محمد" إن اسم والده "عمرو"، أعربت شقيقته "علا" عن استغرابها من الأمر.

وقالت: "أنا كنت هتجنن وأعرف قاله كده ليه.. قالي أنا بحبه واسمي كده وقولت كده أدام الناس".