تامر عاشور ينتقد «18 يوم» لـ«أحمد حلمي»: قمة في عدم الاحترام

أعرب المطرب تامر عاشور عن استيائه الشديد من فيلم "18 يوم" للنجم أحمد حلمي، الذي يرصد أحداث ثورة 25 يناير، وتم منع عرضه بسبب احتواء الفيلم على الكثير من الألفاظ النابية، والتي سيؤثر حذفها على السياق الدرامي، ولكن نجح البعض في تسريبه خلال الأيام القليلة الماضية.

وتحدث تامر عاشور عن الفيلم، عبر صفحته الرسمية على موقع "فيسبوك"، ولكن بطريقة غير مباشرة، وكتب: "قليل جدا لما أقول رأيي في فيلم أو أي عمل فني بس للأسف الشديد شوفت مشهد من فيلم مش هقول اسمه عشان محدش يدخل يشوفو بسببي أنا عارف إن مفيش حاجة هتستخبى بس برضو ميبقاش بسببي".

وأكمل: "المهم .. المشهد ده قمة في السفالة وقلة الأدب والقذارة وعدم الاحترام بتناقش واقع بقى بتناقش زفت على دماغك مش بالطريقة القذرة الوقحة دي وكل الممثلين اللي مثلوا المشهد أنا فعلا " كنت" بحبهم جدا والمدرسة المدهولة دي من التمثيل مالهاش أي مستقبل وكلامي على "الألفاظ" ماليش دعوة خالص بمضمونه بيتكلم على إيه".

وواجه تامر عاشور بعد هذا البوست، موجة من الانتقادات، وطالب جمهوره ومتابعيه بعدم الحديث عن شيء سوى الغناء فقط، وألا يتدخل في شئون الآخرين، مشيرين إلى أن الفيلم يرصد واقعًا.

وكتب أحدهم: "حبييى غنى أنت وامسك ملايين ومتشغلش بالك بالكلام ده ماهو أصل لو الدنيا ماشية صح أنت تتجاب بس ف أفراح بـ٢٠٠ جنيه إنما علشان الواقع الى مثله الفيلم مش ع هواك وواقع مزرى مخلى واحد زيك مليونير ومهندسين ودكاترة مش عارفة تعيش ومتغربة علشان ياخدوا ربع اللى بتاخده فأنت مش عاجبك الفيلم غنى يا تمورة وملكش دعوة بالحاجات دى كخة".

وعلق آخر قائلًا: "الكلام ده على فكرة بيتقال عادي في أمن الدولة و هي دي حقيقة أمن الدولة والشرطة والشارع المصري عموما كله نفس الكلام مستغربين ليه مش فاهمة الصراحة!!".