الورقي
خيري رمضان «يقصف جبهة» وائل الإبراشي.. فماذا قال؟
هاجم الإعلامى خيرى رمضان، زميله الإعلامي وائل الإبراشي، خلال حديثه عن الفرق بين العمل فى الإعلام والصحافة.
وقال «رمضان» خلال حواره ببرنامج «سابقا»، الذى يقدمه الإعلامى محمد على خير، على إذاعة 9090: «مفيش ملك لبرامج التوك شو حاليًا؛ بل هم فى المؤخرة، يعنى التنافس فى الديل.. أنا بتابع على السوشيال ميديا بتقول إن وائل الإبراشى هو الأول حاليا، لأنه بيقعد 5 ساعات على الهواء».
وتابع هجومه على "الإبراشي": "المجتمع مش محتاج اللى بيقدمه وائل الإبراشى فى برنامجه، لكن للأسف الناس بتتفرج عليه، وده بسبب التناقض اللى عندهم، وعشان كده هو ناجح، وتلاقى الناس بتتصل بيه الساعة 3 الفجر وتقوله أنت ليه بتناقش القضية دى".
واستكمل: "عمرى ما نسيت الصحافة، لكن بعدت عنها، وحشنى جدًا الكتابة الصحفية، لكن حاليًا معنديش طاقة إيجابية"، مشيرًا إلى أن الكاتب الصحفى مكرم محمد أحمد يحظى باحترام جموع الصحفيين، وأنه تم اختياره في الهيئة الوطنية للإعلام لعدم وجود أى بديل له لتولى مهمة المجلس الأعلى لتنظيم الإعلام.
واختتم حديثه: "آخر يوم ليا على الشاشة، همسك ورقة وقلم وهفضل أكتب، فى حاجات كتير أعرفها ولسه عايز أكتبها، ولن أقبل أى منصب، حتى لو منصب رئيس التحرير، وهرجع السنة دى لشغلى فى الأهرام".
