"مبارك" يكشف أسرارًا جديدة عن حسين سالم

نشر كريم حسين، أدمن صفحة أنا آسف ياريس المقربة من الرئيس الأسبق حسني مبارك، أسرار زيارة رجال الأعمال حسين سالم إلى "مبارك" قبل تركه الحكم.

وقال حسين خلال صفحته على موقع التواصل الاجتماعي "فيس بوك":" الرئيس مبارك وهو بيكلمنا عن شرم الشيخ كان بيقولنا، كانت عبارة عن صحراء، ومافيش فيها حتي مطارات، وكنت بروح أنا ورجال الأعمال نبات في أكشاك في عز البرد مكناش لاقيين حتي لوكندات كويسة نبات فيها".

وتابع نقلا عن مبارك: "وفي أوائل التمنينيات كنت بتحايل علي رجال الأعمال يا فلان تعالي استثمر هنا يقولي لأ، يا علان تعالي استثمر هنا يقولي لأ، لحد ما جيت عند حسين سالم وقولتله يا حسين تعالي استثمر هنا، فقالي: ياريس مجنون مين اللي يرمي فلوسه في حتت الصحراء دي قولتله تعالي بس خد حتت الأرض دي وأنا هدخلك ليها المية والكهرباء من عندي وكمان مش هطلب منك ضرايب".

وأضاف: "فوافق حسين سالم وراح جايب اللوادر بتاعته وعماله، وبني هناك أول فندق وشجع كل رجال الأعمال أنهم يجيوا ويستثمروا جنبه ولحد ما بقت شرم الشيخ اللي كلنا والعالم كله يعرفها دلوقتي، من بعد ما كانت حتت صحراء ملهاش قيمة "، بحسب روايته

وأعلن جهاز الكسب غير المشروع، التوصل للصيغة النهائية للتصالح مع رجل الأعمال حسين سالم، مقابل رد 5.8 مليار جنيه، إلى الدولة.