الورقي
بالفيديو.. «غادة إبراهيم»: القضاة «مرتشون».. وأخويا «ضابط شرطة»
ـ بعض القضاة بيرتشوا علشان يغيروا القضايا
ـ فنان معروف متهم فى قضية كبيرة
ـ بعض الفنانين مش محترمين وبيمارسوا الدعارة
تنفرد «النبأ»، بنشر تسجيل صوتى خطير، للفنانة غادة إبراهيم، قالت فيه أن القضاة مرتشون، وهناك بعض القضاة يتقاضون رشوة من أجل تغيير القضايا.
واجرى عادل توماس رئيس قسم الحوادث بجريدة «النبأ»، الحوار مع غادة إبراهيم، في بداية التحقيق في قضية إدارتها للشقق الدعارة،
ومع تعديها على الجريدة بالسب والقذف في حلقة مع خالد صلاح في برنامجه "على هوى
مصر" في قناة النهار، وجدت الجريدة نفسها مضطرة لنشر الحوار في الموقع الإلكتروني،
وقناة "النبأ تيوب" على موقع "يوتيوب".
عادل توماس:
ما هو ردك فى اتهامك بإدارة وممارسة الدعارة، وفقا لاعترافات أحد المتهمات فى محضر
الضبط؟
غادة إبراهيم:
حضرتك اتصلت بيا، أنا فلان الفلانى، بتقولى فى محضر كذا كذا أسم حضرتك فيه، من يوم
زى ما بتقول حضرتك 11، والنهاردة 27، وأنا الحمدلله موجودة فى البلد، وعندى 2
محامين كبار، سيبك من المحامين الكبار، عندى ناس معارف فى كل حتة، وأخويا ضابط حضرتك،
دا اللى أنت متعرفهوش.. خلينا ساكتين؛ أكتر من القضاة اللى بيترشوا يا أستاذ
عادل، معلش المستشار اللى المفروض بيبقى "شبعان"، أكتر من القضاة اللى بيترشوا علشان
يغيروا القضايا.
عادل توماس:
يعنى أيه مش فاهم؟
غادة إبراهيم:
يعنى زى ما فى ناس محترمة فى كل مجال فى ناس مش محترمة فى كل مجال، فى النيابة فى
ناس مش محترمة، فى الضباط فى ناس مش محترمة، فى القضاء فى ناس مش محترمة، والعكس برضو، فى ناس محترمة فى كل المجالات..
فى فنانين مش محترمين ودعارة، وفى فنانين محترمين وولاد أصل، فى كل حتة فى وفى.. أول أمبارح فنان بدون ذكر
أسماء، متورط فى قضية كبيرة على فكرة،
وأخويا عرف ولسه مفيش حاجة اتنشرت خالص، وفنان معروف على فكرة.
عادل توماس:
أكيد أنا أعرفه؟
غادة إبراهم:
ياسيدى تعرفه أنا مش هقول عنه، أنا مش مرشدة، بس أنا بقولك ضباط قاعدين مع بعض، قاله دا فلان الفلانى، وأحنا القضية عندنا، وعلمنا كذا وحررنا كذا.. طب ما
أخويا قالى فلان الفلانى تعرفيه؟، قولته أه، بس علاقتى بيه سطحية مش صديق.
