الورقي
بعد أزمة خلع ملابسه.. تامر أمين يدافع عن محمد رمضان: اشمعنا هو
تحدث الإعلامي تامر أمين عن أزمة الفنان محمد رمضان مع نقابة المهن الموسيقية، بسبب خلعه لملابسه على المسرح في حفلاته.
ودافع «أمين»، في برنامجه «آخر النهار»، عن محمد رمضان، وقال: «أنا بطرح سؤال أرجو أن نقابة الموسيقيين ترد عليه وتحسمه عشان نقفل الجدل اللي من النوع دا للأبد، هو محمد رمضان مطرب؟ هل ما يقوم به محمد رمضان عندما يقدم حفلة طرب غناء بالمعنى المفهوم للغناء واحد واقف وماسك مايك وبيغني، اللي عارفينه وشايفنيه أن طول عمر حفلات محمد رمضان لأ هو مش بيعمل كده، هل في نقابة الموسيقيين في حاجة اسمها حفلة استعراضية تطلع تصريح أن الحفل استعراضي مش طربي؟».
وتابع: «محمد رمضان بيعمل حاجة تانية وأنتوا عارفين كنقابة الموسيقيين الحاجة التانية وهي حفل استعراضي اللي هو برا اسمه شو.. يعني الناس مش رايحة تسمع طرب الناس رايحة تتفرج على شو.. ليه علاقة بالإضاءة والحركات الاستعراضية اللي بيعملها على المسرح هو والفرقة بما في ذلك دخوله بالعربية على المسرح دا جزء من الشو، السؤال سواء قلع لبس، وأنا طبعًا ضد القلع، بس بتكلم على المبدأ هندي حد تصريح لحفلة طربية دي ليها مواصفات، حد هياخد تصريح لحفلة استعراضية ليها مواصفات ولازم نحسبها لكن كل مرة يبقى في جدل».
وأكمل: «وعلى القلع متزعلوش مني ما في ناس تانية بتقلع وسايبينهم.. اشمعنا هو.. ولا هو قلع الرجالة غلط وقلع الـ…؟ هتخلونا نتكلم ونغلط، الصح الصح والحياء حياء عند الكل».
