إمام عاشور: بذلنا جهدنا علشان نكمل المشوار وهنقاتل علشان نشرف أسم مصر

نشر إمام عاشور، لاعب خط وسط منتخب مصر، رسالة مؤثرة إلى الجمهور المصري عبر صفحته الرسمية على موقع التواصل الاجتماعي "إنستجرام"، عقب توديع الفراعنة بطولة كأس العالم 2026.
وجاء نص الرسالة كالتالي: "الحمد لله على كل شيء.. فيه هزائم بتوجع أكتر من أي كلام، ودي واحدة منهم. آسف لكل شخص كان متعلق بالحلم، ولكل حد كان مؤمن بينا ومستني نفرحه. كنا نفسنا نكمل المشوار ونحقق اللي يليق بدعمكم، وحاربنا بكل اللي عندنا، لكن قدر الله وما شاء فعل.

كل الشكر والتقدير للجهاز الفني، ولكل زمايلي اللاعبين على المجهود والروح والقتال حتى آخر لحظة. والشكر الأكبر لكل من ساندنا ووقف في ضهرنا وآمن بينا من أول يوم لآخر دقيقة. وعد إننا هنرجع أقوى، وهنفضل نقاتل بكل ما عندنا عشان نفرحكم ونشرف اسم مصر.. تحيا مصر دائمًا".