تامر حسني يكشف ذكريات ألبومه الأول مع شيرين.. ونصر محروس معلقا: "أنا فخور بيك"

كشف النجم تامر حسني، ذكريات أول ألبوم غنائي له في مشواره الفني، والذي شاركته فيه النجمة شيرين عبد الوهاب، وكان من إنتاج نصر محروس.

تامر حسني 

ونشر تامر حسني، صورة شريط الكاسيت والبوستر الخاص بألبومه مع شيرين، عبر حسابه الشخصي بموقع التواصل الاجتماعي فيسبوك، وعلق قائلا: "يلا اتفضلوا كلموني عن ذكرياتكم مع الألبوم التاريخي ده، ألبوم تامر وشيرين للي مش عارف، دي كانت بدايتي أنا وشيرين، وده أول ألبوم لينا كان كل واحد فينا مغني نص الألبوم 4 أغاني لوحده وأغنيتين بيجمعونا مع بعض، زي لو خايفة، ولو كنت نسيت".

وأضاف: "طبعًا تحية من القلب للشخص اللي من مصر كلها والعالم العربي كله اختار من بينهم تامر حسني وشيرين عبد الوهاب، عشان يقدمهم في ألبوم واحد الأستاذ نصر محروس، مين فيكوا بقى حضر الوقت ده أو سمع عنه؟ واللي هيقولي مكنتش اتولدت ياريت يقولها بشكل أفضل من كده".

وعلق نصر محروس على منشور تامر حسني، قائلا: 'حبيبي يا تامر دة أكتر ألبوم كان قريب من قلبي.. وخاصة فيه أكتر صوتين بحبهم تامر وشيرين اللي بفتخر إن أنا قدمتهم للجمهور لأنهم يستاهلوا كل النجاح وكل التألق.. وده من أهم ألبومات حياتي عامة يعني.. وكانت بالنسبالي تجربة أنا بعملها وأنا مؤمن بيها جدًا وكنت حاسس قد إيه الألبوم ده هيأثر في الناس وهيحبوه، وطبعًا أحنا شايفين نتيجة التجربة دي وصلتنا لإيه نجم من الطراز الأول ونجمة من الطراز الأول، ربنا يكون معاكم ويحميكم.. وأشوفك أعلى وأعلى أنا فخور بيك.. أشكر ربنا وأنت تستاهل كل خير يا صاحبي".