امام عاشور:أعود للملعب قريبا.. والأهلي لم يقصر في علاجي

تحدث  إمام عاشور لأول مره منذ غيابه عن الاهلي بسبب معاناته من فيروس A منذ عدة اسابيع بعدما تواجد مع بعثة الأهلي في الإمارات استعدادا لبطولة السوبر.. وكل ما يلي على لسان امام عاشور:

 الحمد لله الأول طبعًا ان قمت بالسلامة، ومبسوط اني مع الفرقة وان شاء الله اكون داعم ليهم والأجواء هنا كويسه وكل حاجه كويسه في المعسكر، وان شاء الله ربنا يكرمهم ويوفقهم

 كان نفسي ألعب كل الماتشات اللي جاية، بس والله كان غصب عني، وقت صغير إن شاء الله وأبقى في الملعب تاني بإذن الله

النادي طبعًا مقصرش معايا في أي حاجة، كل حاجة كانوا معايا فيها من أول يوم، وبالتحديد حابب أشكر دكتور أحمد جاب الله، لأنه كان متواجد معايا 24 ساعة، حتى لو مش جنبي في النادي، كان بيتابعني على طول في التليفون ويتابع معايا أول بأول

📌 بدعم الجمهور إن شاء الله يبقى في ضهرنا، والحمد لله أنا مبسوط إن أنا شاركت النهارده في جزء صغير من التمرين، وأكيد في تعليمات وبرنامج إن شاء الله أمشي عليه وأرجع 
تاني بإذن الله