كامل الوزير: بعتذر للشعب على حادث مطروح.. ومحدش يتمنى إن مصري ضفره يتخدش

تقدم الفريق كامل الوزير، نائب رئيس الوزراء، وزير النقل والصناعة، بالاعتذار للشعب المصري عن حادث قطار مطروح.

وقال الوزير خلال مداخلة هاتفية لبرنامج «الحكاية»، مع الإعلامي عمرو أديب: «نعزي ضحايا الحادث، وربنا يرحم الوفيات ويمن بالشفاء على المصابين، ونعتذر لكل المصريين لو حد تألم أو تأثر أو تأخر عن مشواره».

وأضاف: «إحنا بنؤدي واجبنا، وركاب القطار مستمتعين وكل يوم بيبعتوا فيديوهات يشكّروا في القطارات.. لكن هو ده حال الدنيا»، حسب وصفه.

وتابع: «محدش بيتمنى إنه يبقى في حوادث، أو إن مصري ضفره يتخدش، مش تحصل له إصابة أو وفاة، إحنا بنشتغل عند شعبنا وبمنتهى الرضا وبنشيله على كفوف الراحة، ونتخذ كل الإجراءات الفنية لتأمين كل القطارات وشبكة المترو ووسائل النقل الأخرى».

واستكمل: «كل يوم في ألمانيا والهند والصين وأمريكا الحوادث موجودة وعادية، وأنا لا أتمنى يحصل حادث في مصر». واستطرد: «الحمد لله إحنا راضيين عن نفسنا وبنعمل اللي علينا، وجايز ربنا بيسترها معانا عشان كده».

واختتم حديثه قائلا: «الجرار جديد، والعربات درجة ثالثة روسي مكيفة جديدة، كل حاجة جديدة، والسكة مستوية تمامًا.. كل حاجة سليمة، ولا في هبوط في الأرض ولا في لودر خبط في القطر».