مسلم يقرر الانفصال فى أحدث أغنياته "مش صافيلك"

طرح المطرب مسلم، أغنيته الجديدة التي تحمل عنوان "مش صافيلك"، على طريقة Video Lyrics، وذلك عبر موقع الفيديوهات الشهير يوتيوب، وجميع المنصات الرقمية ومحطات الراديو.

مسلم

أغنية مسلم الجديدة، هي من كلمات محمود عادل، وألحان معاذ زين، وتوزيع موسيقى إسلام شوقي، وهى من توزيع شركة "ديجيتال ساوند".

ويقدم مسلم فى أغنية "مش صافيلك" الطابع الدرامى، ويعبر فيها عن قسوة حبيبه عليه، وقراره النهائى بالانفصال عنه، وهى الأغنية التاسعة من ألبومه الجديد، وتأتى هذه الأغنية استكمالا لقصص الأغانى السابقة التى قدمها مسلم.

 وتقول كلمات أغنية "مش صافيلك":.

مش صافيلك
و مفتكرش هيبقى عندي شئ لغيرك
والله يسامح قلبي لو عشمان ف خيرك
هو انت ايه الجبروت دا بس وفين ضميرك
ازاي رضيت تنسى اللي كان 
ظالم اناني 
من كل قلبي اتمنى تبقى ف يوم مكاني
هتلف بيك الدنيا وهترجعلي تاني
هتلاقي خلاص مات الغلبان بتاع زمان
ايه الجديد، وهتفرق ايه
مبقيتش فارقه
مش هعيد، افلام معاك
نهايتها فرقه
لا خلاص، مفيهاش عتاب، مفيهاش كلام
كرهي فيك.. مش من فراغ، لا من اذاك
تسمع ايه.. من امتى كان يفرق معاك
امشي وسلام
مش هدافع 
عن نفسي لو قولت اني ظالمك، ليه اراجع
ايام كانت وياك بتحلف بالمواجع
قول عادي كل اللي انت عايزه، مش همانع
لو جاي تقلب ف اللي فات 
انا قلبي راضي ،
و هيتبسط لو شاف دموعك يوم قصادي
صدقني ممكن يبقى رد الفعل عادي
و هقول دا كانت ذكريات، وهواك دا مات