عمرو أديب عن عمرو دياب: صحته غير طبيعية

تحدث الإعلامي عمرو أديب عن النجم عمرو دياب وألبومه الجديد "ابتدينا"، خلال برنامجه الشهير "الحكاية" المذاع عبر قناة MBC مصر، حيث عبر عن إعجابه الشديد بالألبوم، كما أثنى على الحضور الدائم للهضبة على الساحة الفنية، وحفاظه اللافت على صحته ولياقته رغم مرور عقود على بدايته الفنية.

وقال عمرو أديب: "مبروك يا هضبة، الهضبة قوي، في حاجة مش مفهومة، في شيء كده ربنا مديهوله يخليه يدخل جوا وجدانك وذهنك بسهولة.. إحنا بنتكلم عن حد بيغني بقاله 40 سنة".

وأضاف أديب بإعجاب واضح عن الحالة الجسدية والفنية التي يتمتع بها عمرو دياب: "الصحة إيه! اللهم صلِّ على كامل النور.. شُفته من يومين بيعدي من الباب، صحته غير طبيعية، وكان لابس ساعة حلوة أوي عجبتني، بس يعني مفيش مشكلة إحنا بنعرف نتصرف في موضوع الساعات دي".

وتطرق عمرو أديب للحديث عن الأغاني تحديدًا، قائلًا: "عمرو دياب يتسلل إلى وجدانك.. أول مرة تسمع تقول: فيه إيه؟ إنما مثلًا أغنية (خطفوني)، فجأة تلاقيها بقت حالة.. عمرو يستحوذ عليك وهو بيغني، الكلام لو اتقال من أي مطرب تاني ممكن ميكملش، إنما عمرو بيجي معاه الكلام.. تكتشف إنه قادر ياخدك لعالمه، وتدخل في حالة اسمها (عمرو دياب)، وتبقى عايز تسمعه".

ألبوم عمرو دياب 2025

يُذكر أن عمرو دياب طرح ألبومه الجديد "ابتدينا" رسميًا في الخميس الثالث من يوليو الجاري، ويتضمن 15 أغنية متنوعة جمعت بين الرومانسي والإيقاعي والدرامي، بتعاون مع نخبة من كبار الشعراء والملحنين والموزعين في مصر والعالم العربي.