بعد أزمة بوسي شلبي.. صابرين: حزينة من قلبي على «محمود عبد العزيز»

علقت النجمة صابرين، على أزمة الإعلامية بوسي شلبي، بشأن حقيقة استمرار زوجها من النجم الكبير الراحل محمود عبد العزيز، وذلك بعد بيان أبناء الراحل.

صابرين: حزينة من قلبي على «محمود عبد العزيز»

وكتبت صابرين عبر حسابها الشخصي بموقع التواصل الاجتماعي فيسبوك، قائلة: “شهاده أمام الله، مرتين محمود عبد العزيز الفنان المحترم الكبير كلمني علشان زوجته بوسي شلبي، صديقتي منذ الطفوله مره يوم وفاة اختها الأعلاميه الكبيرة بنت الاصول أحلام شلبي  كلمني للوقوف بجانب زوجته بوسي شلبي”.

وأضافت: “تاني مرة يوم كانت بوسي رايحه تعمل إشاعه لأنهم كانوا فاكرين ان فيه أعوذ بالله مرض خطير لبوسي وكانت رايحه لوحدها من غير ماتقول لحد، كلمني محمود وهو بيبكي والله على ما أقول واكتبه شهيد، ان اجري على زوجته بوسي، وأروح معاها علشان مش عاوزه حد يعرف ومحمود كان عارف إن بوسي لازم صديقتها تكون معاها، حسيت ساعتها ان طفل بيبكي على أمه ورفيقةعمره وقعدت اهديه واقوله ماتقلقش يا محمود هروحلها وهتكون زي الفل وفعلا عملت الاشاعه والحمدلله طلعت مافيش حاجه وأنها الحمدلله بخير وكنت معاها في المستشفي”.

واستكملت: “طول ما؛محمود كان تعبان وطبعا قبل كل ده ذكريات كتيره بتجمعنا في فرش بيته اولا اللي في المهندسين وبعدين بيته اللي في زايد، كل ده ربنا شاهد عليه ومافيش نقاش تماما لتبرئة المحترمه اللي اشهد علي حبها الوحيد وان اول وأخر حب في حيتها كان لزوجها محمود عبد العزيز حتي يومنا هذا لا قبل ولا بعد”.

واختتمت صابرين رسالتها، قائلة: “بوسي قادرة علي أخذ الحق ولكن اللي تعبني جدا واللي صعبان عليه وحزينه من قلبي عليه هو المحترم والأستاذ الكبير محمود عبد العزيز اللي فارق حياتنا وهو عند الخالق وبعد 9 سنين من وفاته ليه يحصل فيه كده بجد حزينه ومذهوله ومخضوضه”.