رئيس التحرير
خالد مهران

داليا مصطفى تكشف سر غيابها عن جنازة عمتها ناهد رشدي

داليا مصطفى وشريف
داليا مصطفى وشريف سلامة من عزاء عمتها ناهد رشدي

كشفت الفنانة داليا مصطفى سبب غيابها عن جنازة عمتها الفنانة الراحلة ناهد رشدي، التي رحلت عن عالمنا في 14 سبتمبر، بعد صراع مع المرض عن عمر يناهز 68 عاما.

وقالت داليا مصطفى خلال لقائها ببرنامج "واحد من الناس" مع الإعلامي عمرو الليثي الذي يعرض على قناة الحياة: "الناس عابت عليا في حاجة إني محضرتش جنازة عمتي، أنا محضرتش لأني كنت مسافرة بس أنا جيت تاني يوم على طول العزاء، الناس مش متخيله هي قريبة مني إزاي دي زيها زي أمي، إحنا عمرنا ما كنا بعاد عن بعض بالعكس قريبين جدا".

وأضافت: "أنا كنت بحبها أوي ست جميلة بشكل لا يتصور وطيبة لأبعد الحدود مشفتش في حياتي زيها في الحتة دي، وكانت غلبانة بشكل مؤلم بالنسبة ليا".

وروت داليا مصطفى تفاصيل ومواقف جمعتها بعمتها ناهد رشدي قائلة: "فاكرة كنا مرة بنشتغل مع بعض مسلسل وقلت لها الإنتاج دا كويس وناس محترمة أرجوكي زودي أجرك، قالت لي أنا مضيت برقم قليل وخلاص مش هتعمل حاجة".