أول رد من تامر حسني على منتقدي إعلانه لشركة شيبسي: "منتج مصري"

خرج النجم تامر حسني، عن صمته ورد على منتقدي إعلانه لشركة شيبسي، رغم المقاطعة ودعمه قبل سابق للقضية الفلسطينية، لذلك هاجمه العديد من الجمهور وقام البعض بإلغاء متابعته.

تامر حسني 

وكتب تامر حسني عبر حسابه الشخصي بموقع تبادل الصور والفيديوهات الشهير إنستجرام: 'مساء الخير عليكم.. بقالي يومين بتابع اللي بيحصل واحترامًا للجميع.. انا بوضح حاجه بخصوص إعلان شيبسي الأخير"

وأضاف: “اولًا.. أنا على قوة الشركة من سنتين قبل أي أحداث وده مش أول اعلان ده ثالث اعلان في عقدي، معلش احيانًا الكلام عند بعض الناس  بيبقى سهل وتحديدًا لما بيكون دون علم بالعقود وبحيثيات الموضوع كله، ثانيًا.. أنا مضيت على عقد مكتوب فيه ان شيبسي  شركه مصريه ولها سجل تجاري ضريبي مصري منفصل والبند قدامكم اهوه لصدق كلامي”

واستكمل تامر حسني قائلا: “ثالثًا.. والأهم لاي حد بيشكك في انتمائي للقضيه الفلسطينيه هقوله  انا من 20 سنة وأنا في ضهر القضيه ومش كلام وأغاني بس لا…. أنا روحت بنفسي معبر رفح أثناء الضرب لمساندة اهالينا هناك بأكبر حملة، معتقدش في حد هيخاطر بحياته ويروح بنفسه معبر رفح أثناء الضرب مجامله مثلًا”.

واختتم رسالته: “أنا لما قررت اكون الوجه الاعلاني لشيبسى من سنتين لإنه منتج مصري كل المصريين بيحبوه والبطاطس من الفلاحه المصريه وبيتباع في مصر بس واتربينا عليه والاهم ان الشخص البسيط يقدر يشتريه في  ظل ظروفنا الاقتصاديه واظن ده واضح في الاعلان  .. ده كان شعوري الشخصي اتجاه الحمله وادأنا بمضيها من سنتين  عشان كده كان واجب عليا التوضيح للجميع وللّي مش واصلاله الصوره بكل احترام.. وشكرًا لكل اللي ردوا عني  وهما مغمضين حقيقي انتوا نعمه كبيره من ربنا  الف شكر ورمضان كريم على الجميع”.