الورقي
تغريم طليق الفنانة علا غانم لاتهامه بسبها على مواقع التواصل الاجتماعي
قضت المحكمة الاقتصادية اليوم حكمها بتغريم طليق الفنانة علا غانم 20 ألف جنيه لاتهامه بسبها وقذفها عبر مواقع التواصل الاجتماعي.
تغريم طليق الفنانة علا غانم لاتهامه بسبها على مواقع التواصل الاجتماعي
وكشفت التحقيقات، أن الفنانة علا غانم اتهمت طليقها بالسب والقذف وتعمد مضايقتها وإرسال رسائل إزعاج لها بسبب خلافات زوجية نشبت بينهما.
وأوضحت التحقيقات أنه تم استدعاء طليقها لسماع أقواله في الاتهام الموجه إليه، والتحفظ على الهاتف المحمول وأيضا تحريز الرسائل لفحصها.
وأكدت الفنانة علا غانم، أنه خلافات وقعت بيني وبين طليقي مما أدى إلى تطور الخلافات بيننا حيث تعمد إرسال رسائل مزعجة ومضايقات على مواقع التواصل.
وأشارت التحقيقات أن طليق علا غانم وجه لها السباب والقذف عبر مواقع التواصل الاجتماعي ومن ثم قامت الفنانة بإقامة دعوى إلى النيابة وتم إحالة الدعوى إلى المحكمة التي بدورها حددت جلسة لنظر الدعوى.
أزمة علا غانم وزوجها
وكانت الفنانة علا غانم كشفت في وقت سابق كواليس أزمتها مع زوجها التي تصدرت السوشيال ميديا خلال الأيام القليلة الماضية.
وقالت الفنانة علا غانم في تصريحات صحفية هو بيقول إنى اعتديت عليه الإدعاء دا غير صحيح أولًا عشان أنا معايا في البيت اتنين عمال فقط وأمي اللي فوق الـ ٧٠ سنة بس، إزاي هنعتدي عليه وعلى الناس اللي معاه اللي اقتحموا البيت".
تفاصيل أزمة علا غانم
وأضافت: "وهو لو كان بيته زي ما بيقول ليه يجيب كل الناس دي ويجي يقتحمه وليه يشيل تسجيل الكاميرات اللي هو دليل براءتي الوحيد، ازاي بيته؟! لا ده بيتي أنا.. ملكي أنا، مش بيته وهو لما بيقول إني حدفته بإزازة.. ده اتهام ليَّ وده ما حصلش.. دول الناس اللي معاه كانوا بينطوا من شباك العمال وأنا والاتنين اللي معايا العمال كنا بنحاول نحمي البوابة وأول ما نزلت لاقيت دم على وشه أصلًا يبقي إزاي اعتديت عليه".
وتابعت: "أنا بقالي 3 أيام في الشارع وهو قاعد هناك في البيت اللي بيدعي إنه بيته وهو بيتي أنا، لو كان بيته كان هيجيب كل الناس دي معاه ليه ويجيب المحامي بتاعه في البيت ليه".
