استمتعت بيكم ومعاكم وبمواهبكم الجبارة.. منى زكي توجه رسالة لأبطال فيلم "رحلة 404"

وجهت النجمة منى زكي، عبر حسابها الرسمي على موقع "إنستجرام" رسالة لأبطال فيلمها الجديد رحلة "404" ومنهم: محمد فراج ومحمد ممدوح وخالد الصاوي، وشيرين رضا، المقرر طرحه في دور العرض المصرية يوم 25 يناير الجاري.

وكتبت منى زكي: "أحب أوجه الشكر لفريق فيلم رحلة 404 الرائع اللي استمتعت جدًا بالتعاون معاهم، أنا حقيقي حبيت تجربتنا سوا، واستمتعت بيكم ومعاكم وبمواهبكم الجبارة اللي أضافت لي وأضافت للفيلم ككل".

وأضافت بطلة رحلة 404: "شكرًا لزميلي النجم محمد فراج صاحب الموهبة الكبيرة، واللي قدمنا سوا أعمال ناجحة قبل كده، ويارب الفيلم ده كمان يكون له نفس الحظ من نجاحنا المشترك، وأيضًا زميلي العزيز محمد ممدوح تايسون اللي بحب وبحترم فنه وموهبته لأقصى درجة، ووجوده كضيف شرف في الفيلم كان حاجة كبيرة أوي بالنسبة لي، وطبعًا النجم الكبير والممثل اللي دايما بنستمتع بحضوره خالد الصاوي".

وتابعت منى زكي: "وطبعا الممثلة الرائعة شيرين رضا اللي نورت الفيلم بجد والمتميز للغاية محمد علاء.. وأكيد كل الشكر للسينارسيت الموهوب محمد رجاء اللي كتب نص حقيقي مختلف وإنساني وبإبداع حقيقي، وأولا وآخرا شكرا للمخرج هاني خليفة على مجهوده وإيمانه بالمشروع وتوجيهاته ورؤيته المهمة دايمًا".

أبطال فيلم رحلة 404

يشارك في أبطال فيلم "رحلة 404": منى زكي، ومجموعة كبيرة من ضيوف الشرف: محمد فراج، ومحمد ممدوح، وشيرين رضا، وخالد الصاوي، وشادي ألفونس، ورنا رئيس، وجيهان الشماشرجي، وعارفة عبد الرسول، وسما إبراهيم، ونورا شعيشع، تأليف محمد رجاء، وإخراج هاني خليفة.