أحمد العوضي: مفيش مبرر للخيانة والراجل اللي مش مبسوط مع مراته يطلقها

حل النجم أحمد العوضي ضيفًا على برنامج "حبر سري" الذي تقدمه الإعلامية أسما إبراهيم، والذي يعرض على قناة القاهرة والناس.

وقال أحمد العوضي خلال لقائه: مفيش مبررات تخلي الراجل يخون مراته، لأن لو افترضت مبررات إذًا أنا افترضت أنه موضوع قائم ووارد يحصل، والسؤال بالنسبالي مش صح، الصح هو ينفع ولا مينفعش لأن مفيش مبررات تخلي راجل يعرف على مراته واحدة لأن أنت لو مش مبسوط طلق".

وأضاف: الراجل يملك إيه غير هبته! والست تملك إيه غير احترامها! وهذا ما يميز الراجل عن الراجل والست عن الست، إذًا إذا الراجل مش مبسوط يطلق لكن ميخونش، ومفيش حد في الدنيا بياخد كل حاجة".

أحمد العوضي ضيف برنامج حبر سري

وعن سؤاله حول مقولة كل الرجالة خاينين، قال أحمد العوضي: أنا مش هنا عشان اغلط في نوعي، لكن في رجالة بتخون وستات أيضًا بتخون.. لو في 20 مليون راجل خان هما بيخونوا مع نفس الست؟ بيخون مع 20 مليون ست، ربنا لما حرم السرقة والقتل حرمه للراجل ولا للست؟ حرمه للاتنين والبني أدم بيغلط سواء راجل أو ست".

واختتم أحمد العوضي حديثه في هذا السياق: "الغلط مينفعش احجره على راجل ولا ست.. فأنا شايف أن الخيانة كمبدأ مبدأ مش صح، ولو في راجل عايز يتزوج على مراته يروح يقولها ولو رفضت هناك حلين الأول يكمل معاها أو يطلقها أو يتزوج عليها، لكن الاتنين على بعض مش صح، إذا هي وافقت يبقى تمام عشان كدة هتبقى فقدت احترامك أمام الاتنين".

فيلم الإسكندراني أحدث أعمال أحمد العوضي

شارك النجم أحمد العوضي، مؤخرًا، في فيلم "الإسكندراني" المأخوذ عن رواية الإسكندراني للكاتب الراحل أسامة أنور عكاشة، ويشارك في بطولته: زينة، بيومي فؤاد، حسين فهمي، صلاح عبدالله، محمود حافظ، محمود الليثي، انتصار، خالد سرحان، محمد رضوان.