الورقي
بعد تراجعه عن قرار الاعتزال.. خالد الفايد: أول يوم أنام مرتاح نفسيًا
آثار خالد الفايد، نجم ذا فويس كيدز، الجدل من جديد عبر مواقع التواصل الاجتماعي، وذلك بعد تراجعه عن قرار الاعتزال.
وكتب خالد الفايد، عبر حسابه الشخصي بموقع التواصل الاجتماعي فيسبوك: “حلو أوي أنك تعمل الحاجه اللي بتحبها وتسيبك من كل القيود والأفكار الرجعية.. أول يوم أنام مرتاح نفسيًا”.
وأضاف: “حاسس اني بعمل حاجه صح ولقيت نفسي وطردت الأفكار الهدامة من دماغي انتصرت على نفسي الحمد لله”.
هاني محروس يشكر خالد الفايد
يذكر أن المنتج هاني محروس، رسالة لكل النجوم والمشاهير المساندين له في أزمته مع المطرب المعتزل خالد الفايد، مشيرًا أن الله سخر له الناس للرد على جميع الاتهامات.
وقال هاني محروس، في فيديو له عبر حسابه الشخصي بموقع فيسبوك: بشكرك يا خالد عشان خليتني أحس أن كل الناس بتحبني وعارفة مين هاني وأني معملش أي حاجة من اللي أنت قولتها الحمد لله ربنا سخر ليا كل الناس تتكلم عني بالخير.
وأضاف: لو أنت يبني حاولت تبين حاجة محصلتش فهي بردوا ظهرت فبشكر ربنا أن أنا على حق وإني مغلطش في حد، وأحلى حاجة في الدنيا أنام وأصحى الاقي كل الناس كاتبة عني كلام حلو يفتح نفسي على الدنيا وعلى شغلي تاني ويتأكد أن في الحياة خير.
وواصل: فضل وعدل من ربنا الاحساس اللي أنا فيه نعمة أنا مستهلهاش، وبشكر ربنا أنه دايمًا بيسخر الناس للناس والحمد لله ربنا سخر ليا كل الناس تتكلم عني.
