بحة يرد على مرتضى منصور بعد إتهامه بالعمل في السحر لإسقاط الزمالك

اتهم مرتضى منصور رئيس نادي الزمالك المعزول شخص  من الفيوم، يدعى رجب بحة،  في القيام بأعمال سحر وهو ما تسبب في خسارة الزمالك  بأربعة أهداف مقابل هدف في بطولة الدوري العام الممتاز.

وقال مرتضى منصور، في الساعات الأولى من صباح اليوم السبت عبر "قناة الزمالك" إن تلقى رسالة عبر حسابه الشخصي على تطبيق "واتس آب" تتضمن معلومة أن رجب بحة يسكن في مينا الحيط "منية الحيط" في محافظة الفيوم.

رجب بحة يرد على تصريحات مرتضى منصور بالعمل في السحر والشعوذة لإسقاط الزمالك 

ونشر أقارب وجيران رجب بحة،  فيديو عبر موقع التواصل الاجتماعي "فيس بوك" لاستنكار ما جاء في تصريحات مرتضى منصور  .
وقال رجب بحة  " أنا راجل أمي وحافظ القرآن، أنا لا استطيع عمل هذه الأعمال لأنها شرك بالله، أنا راجل شغال " بنا " وعايش على "قدي"  وعندي أسرة وأولاد على وش جواز حرام أتشوه كده، تعالى شوف أنا عايش إزاي والمستوى اللى أنا فيه ".
وظهر في الفيديو أسرة رجب بحة، وقال أحدهم "ديه اتهامات باطلة مين اللى اداك الحق تتكلم على ولاد ناس، مافيش راجل دولة يقول الكلام ده، الراجل ده مالوش علاقة بأهلي وزمالك، هو يعني رجب اللى خلي لاعبتك تقلش إمبارح أنت لاعبتك اللي تعبانة".

مرتضى منصور  يتهم بحة  بعد هزيمة الزمالك ويشطب هذا الثنائى 
 

علق المستشار مرتضى منصور، فى اول ظهور، بعد هزيمة الزمالك امام الأهلي  فى لقاء القمة حيث قال رئيس نادي الزمالك: هو أنا معزول ولا موجود، لما نكسب معزول ولما نخسر موجود؟

مضيفا ؛ أنا موجود غصب عنكم، هو فيه عقد بيني وبين الجماهير إني أخد كل البطولات، اللي معاه يوريني، واللي ينط من المركب مش زملكاوي 
واكد منصور، ان الكولومبي خوان كارلوس أوسوريو، اعلن تحمل المسؤولية مضيفا مقابلتش اللعيبة قبل الماتش عشان كنت عامل عملية في سناني
واكد رئيس نادي الزمالك،  أوسوريو افضل من مارسيل  كولر، المدير الفني  لفريق الاهلي رغم أن مدرب محترم،

وقال منصور ؛ اوسوريو، حمل الأمر واللاعبين مش في مستواهم وفي لاعبين هيمشوا، مع كامل الاحترام ليهم، وفيه ناس بتختار اللاعبين الجدد دلوقتي. 

واكد رئيس نادي الزمالك ان محمود  البنا، حكم لقاء القمة كان بنسبة 99 % حيادي ومعندوش غير كرة سيف الجزيري كانت ضربة جزاء 
وقال مرتضى منصور - الأهلي بقاله سنتين بيخسر البطولات كلها وكانوا هيبيعوا الشحات ومحمد هاني وافشة وبيرسي تاو، مش هقول بياخدوا منشطات، بس حاجة مش طبيعية،من بعد هزيمة الأهلي خمسة من صن داونز في حاجة مش طبيعية 
واكد مرتضى منصور،ان هناك شخص  من الفيوم بعتلي رسالة صورة الساحر رجب محمد بحة،  مدمر الزمالك ومطفش اللعيبة، ومن بلد سيد عبدالحفيظ. 

وقال مرتضى منصور: الأهلي “مكسبنيش شاط"  على العارضة اليمين وخبطت، والزمالك شاط في نفس المكان، يبقي السحر كان على العارضة اليمين 
وأضاف  أنا كنت بلاعب الجن الأزرق، لكن الجن الأحمر مقدرش، الشناوي مصدش حاجة في حد بديل بيصد، برافو عليك ياسيد عبدالحفيظ، عمرو السيسي أتصاب بعد ما نزل ومسكنا الماتش، عشان الجن أشتغل 
- بقالنا 3 أسابيع بنتكلم عن سيدنا الإمام، إمام عاشور اللي هنعمله مقام، واللاعبين تأثروا بالأمر قبل القمة 
واكد رئيس الزمالك ان الثنائى  حسين ليبيب وهشام نصر، تم شطب عضويتهم، مشيرا إلى ان أمير مرتضى أغنى مني، هياخد سمسرة ليه؟ ياريت عندكم زي أحمد وأمير  .