بعد إعلان توبتها.. طلب «غريب جدًا» من سما المصري لمتابعيها

فجرت الفنانة الاستعراضية سما المصري، لجمهورها، مفاجأة من العيار الثقيل عن توبتها، كما قامت بحذف كل صورها الجريئة من على موقع الصور الشهير "انستجرام".  

وكتبت "سما": "يااارب قدرني على اللي في نيتي ونور طريقي إليه ونور بصري وبصيرتي وابعد عني اللي مش عايزه أعمله تاني ولا اللي يزعلك مني ويزعل الناس مني.. اقف جمبي يارب.. أنت طلعتني من محنتي ووقفت جمبي في مرضي وعافيتني واستجبت دعايا قدرني وكملها معايا بالستر وابعد عني شيطاني وقويني بحق الساعة المفترجة دي ماتسبنيش".  

وتابعت: "ادتني الصحة والعافية.. اديني القوة كمان عشان أقدر على نفسي وأقدر على شيطاني حتى لو واحدة واحدة أنا هصبر وأتحمل.. قويني على شيطاني وخليني أنتصر عليه حتى لوبعد وقت طويل المهم تحسن خاتمتي.. دعوة اتقبلها مني يارب بحق اليوم المفترج دا اللي بتغفر فيه ذنوب سنة بأكملها فاتت".  

وأكملت: "أنا بدأت أنضف حاجات كتير من صور وفيديوهات هنا الشيطان وزني عليها.. ومليش فيس ولا تويتر أمسح من عليه حاجة مش بتوعي.. بس أنا السبب انا اديتهم فرصة ينزلوا صوري الوحشة عندهم.. يارب محتاجة وقت عشان أنضف للأبد كل حاجة خليك واقف جمبي".  

وختمت حديثها: والناس اللي منزلين صوري وفيديوهاتي الوحشة.. أبوس إيديكم شيلوها ماتشيلونيش ذنب أكبر من كده.. ادعولي لو نيتي صافية ربنا يقف جمبي ويقويني".