تحذير "هام جدًا" لسكان الرحاب والقاهرة الجديدة
وتداول "أدمن جروب"، مدينة الرحاب، على موقع التواصل الاجتماعي "فيسبوك"، منشور السيدة التي سردت تفاصيل محاولة السرقة التي تعرضت لها ، موجها من خلاله تحذيرا لأهالي المدينة.
وكتبت السيدة : "إلى كل الناس اللى ساكنة فى التجمع، أو الناس اللى بترجع متأخر، الموقف دا حصل معايا أنا شخصيا من نص ساعة يعنى حوالى الساعة ٣ و نص صباحا.
وأضافت: "راجعة أنا وجوزى و بنتى من عند ناس صحابنا فى التجمع، وقبل المستشفى الجوى مجموعة شباب ألقوا على العربية طوبة، بس الحمد لله أنها جت فى الباب، لأن الولد اللى رمها أكيد كان قصدة تيجى في الزجاج".
وتابعت: " كانوا على بعد مجموعة الشباب دول بحوالى ٣٠٠ متر كان فى مجموعة تانية قاعدين على الرصيف ماسكين حاجة زى جنزير كده، ودا اللى أنا لمحته لأن لما العيال رموا علينا الطوبة جوزى جرى بالعربية علشان ميرموش حاجة تانية".
وواصلت: "مع العلم أن الشارع كان فاضى مفيش غير عربيتنا، وعربية خلفنا بمسافة، والدنيا عيد والشوارع فاضية، انا قلت لازم أنبه الناس أن مهما حصل في الشارع بليل يعنى لو اترمى على عربيك حاجة أو لو حتى حد جاء، وألقي نفسه قدام العربية وكان الوقت متأخر متقفش ابقى روحوا أى محطة بنزين قريبة وشوف اللى حصل للعربية.
وختمت: "احنا الحمد لله ربنا سترها معنا، وربنا يسترها مع كل الناس و يبعد عننا شر الطريق".