الورقي
بالصور.. تحذير من شراء أحدث موبايلات «هواوي»
حذر أحد المواطنين من التعامل مع شركة هواوي للهواتف المحمولة، بعد شرائه أحدث إصدار للشركة «هواوي ميت 10 لايت»، واكتشافه وجود عيوب عقب ساعات من استلامه، مشيرًا إلى أن الشركة رفضت استبداله.
وقال المشتري، في منشور له على إحدى مجموعات موقع التواصل الاجتماعى «فيسبوك»: « اشتريت موبيل هدية لماما نوعه هواوى ميت 10 لايت من موبيل شوب يوم الخميس 12/4/2018، وبعد ما أخدته وصلت البيت وبعد ساعتين اكتشفت أن الموبيل به زيادة طلاء يظهر على أنه خدش في الخلف مع وجود ندبتين مطليتين بجوار الكاميرا، فاتصلت بيهم على الفور وقالوا تعالى الفرع وبالفعل روحت لهم لقيت الأستاذ اللى هناك قال لي عيب مش واضح ومش هيأثر على الجهاز، وسألني إني استخدمت الموبيل قلت له بكل صراحة أنا شغلته عشان ابدأ الاستخدام وادخل الإيميل لكن لما جيت أركب الخط بعد ماركبته وطبعا فتحت الجراب اللى على الظهر وأنا بقفل لقيت مشكلة ظاهرية فقال لى طالما الموبيل لقط نت يبقى الموبيل مستعمل ولازم يروح لهواوي ويردوا علينا».
وتابع: « قلت له خد الجهاز قال لا تعالى يوم السبت لأنهم إجازة جمعة وسبت وطلع يوم السبت مش إجازة، المهم رجعت لهم يوم السبت وسلمت الموبيل وتركته واليوم اتصلت بيهم قالوا تعالى استلم الجهاز قلت لهم ايه قال ليه سوء استخدام ده "رد هواوي"، قولت سوء استخدام إن يبقى في طلاء زيادة ومكلكع على شكل خط وفيه ندبتين في جسم الجهاز ومطليين يعني أنا كأني عملت الندبتين وبعدها دهنتهم بالطلاء، مع العلم إني رجعت الموبيل بعد ساعات قليله من الشراء».
وأضاف: «تواصلت مع شركة هواوي اليوم والنهارده السادس من تاريخ الشراء وعرفت أن هواوي طلبت منهم لتصليح العيب 980 جنيهًا وقوبل من موبيل شوب بالرفض مع أنه عيب تصنيع يا ناس، أنا مش عارف أعمل ايه جايب موبيل أغلى قرابة 500 جنيه من أي محل تاني عشان سهولة الاسترجاع لو في عيب وألقى مشكلة مش عارفين يحلوها مع هواوي، ويقولوا تعالى أنت وديه احنا بنودي مرة واحدة ده طبعا كلام قسم الشكاوى واحنا مجرد موزع».
واختتم المشتري منشوره بطلب من أدمن المجموعة قائلًا: «لو سمحت شير عشان الموضوع يوصل».
