محمد دياب يشن هجومًا حادًا على إدارة "القاهرة السينمائي" لهذا السبب

شن المخرج محمد دياب هجومًا حادًا على إدارة مهرجان القاهرة السينمائي الدولي في دورته الـ39، الذي أُقيمت حفل افتتاحه مساء أمس الثلاثاء في قاعة "المنارة" بالتجمع الخامس.

وعبر "دياب" عن غضبه الشديد لما حدث مع المخرج الفلسطيني هاني أبو أسعد، الذي كان من المفترض عرض فيلمه "الجبال بيننا" كفيلم الافتتاح، ولكن تم عرضه بصوت وصورة غير واضحة، وقرر "أبو أسعد" عدم تكملة عرض الفيلم.

وكتب المخرج محمد دياب، عبر حسابه الرسمي على موقع التواصل الاجتماعي "فيسبوك": "القاعه وقت عرض فيلم الافتتاح فضيت تماماً، رغم انه فيلم هوليوودي و اخراج مخرج عربي ... طبعاً دي فضيحه معبره مش عن مهرجان القاهره لوحده بس عن صناعه السينما في مصر. الحقيقه ان نجوم السينما في مصر معظمهم مبيتفرجوش علي سينما ... خالص .. بتاتاً ... يعني حتي ام بي سي تو مبيتفرجوش عليها ... اللهم الا لو في فيلم حد زقهولهم و قالهم ده هايل لو عرفت تمصره، ساعتها الاقيه جايلي بالفيلم و عاوز يعمل زيه".

وأكمل: "ممثلين مشهورين كنا بنبقي بنشتغل مع بعض و متحمسينلي جدا كمخرج و اكتشف في وسط الشغل انه مشافش حتي الافلام اللي انا اخرجتها!!! طب و الله العظيم اني اخلي ممثل في هوليود يتفرج علي فيلمي اسهل واسرع من اني اخلي ممثل في مصر يتفرج عليه!!!!

كان فيه مهرجان مصري قريب قايم علي اختيارات صناع السينما و التليفزيون في مصر و كان معايا صديق ابهرته بقدرتي علي التنبؤ بكل الجوايز، و لما سألني ازاي عرفت؟؟ قولتله بسيطه بما ان محدش من اللي بيصوطوا دول بيتفرجوا علي سينما فهيقيموا الافلام من التريلر، فاللي شكله تصويره حلو في التريلر هياخد احسن تصوير و اللي شكه ممثل كويس في التريلر هياخد احسن ممثله و هكذا... و تنبؤاتي كلها صدقت".

وتابع: "بالنسبه لمهرجان القاهره، فطبعاً المهرجانات هي مكان الناس اللي بتحب السينما، و طبعاً تواجد النجوم مهم بس علي الاقل تبقي نص القاعه ناس مهتمه بجد بالسينما، تقريباً محدش من السينما المستقله او الناس اللي بتشارك في مهرجانات اتعزم اصلاً...الرد كاربت معموله عشان تسوق للمهرجانات، مش المهرجانات معموله عشان تسوق للرد كاربت!!".

وختم حديثه بتفعيل هاشتاج "#اسفين_يا_هاني_ابو_اسعد".