لأول مرة.. وفاء عامر ترد على منتقدي فيديو حملة إفطار الصائمين

ردت الفنانة وفاء عامر، على الإنتقادات التي طالتها بسبب حملة إفطار الصائمين لأول مرة بعد انتشار فيديو عبر السوشيال ميديا من خلال بعض المواقع الإخبارية.

وقالت وفاء عامر خلال مداخلة هاتفية في برنامج "تفاصيل"، الذي تقدمه الإعلامية نهال طايل، عبر فضائية "صدى البلد 2":، "كنت بجهز الفطار في اليوم ده وصاحبتي أقترحت عليا أننا نصور اللي بنعمله ولكني رفضت وقولتلها مش عاوزه ده.. وكنا بنعمل ده في فيلا الفنان الراحل حسن حسني وأول ما شوفت زوجته في الفيلا بتاعتها حضنتها وقولت للمصور بلاش تنزل ده أرجوك وده باين في الفيديو".

وأضافت: "أنا مش محتاجه ده ومش لابسه لبس تصوير ومش حاطه ميكب وكنت لسه مخلصه صلاة العصر ومحدش يزايد على حد والخير كتير في بلدنا.. أنا ابتديت بوجبتين وبعدين 10 وجبات وبقوا بيزيدوا كل فترة".

حق عرب آخر أعمال وفاء عامر

خاضت الفنانة وفاء عامر السباق الرمضاني الماضي بمسلسل "حق عرب"، وشارك في بطولته: أحمد العوضي، دينا فؤاد، رياض الخولي، وليد فواز، دنيا المصري، مراد فكري، كارولين عزمي، أحمد صيام، سلوى عثمان، وفاء مكي، وهو من إخراج إسماعيل فاروق.