ناهد السباعي تكشف موقفها من تأخر الزواج: “قسمة ونصيب وبتاعت ربنا”

تحدثت النجمة ناهد السباعي عن تفاصيل متعلقة بحياتها الفنية والشخصية، موضحة أسباب مشاركتها في فيلم “ريد فلاج” رغم صغر مساحة دورها، كما تحدثت عن أعمالها المقبلة، ونظرتها للارتباط، وعلاقتها بوالدتها الراحلة.

ناهد السباعي

وأضافت ناهد السباعي خلال مداخلة هاتفية مع الإعلامية «نهال طايل» في برنامج «تفاصيل» المذاع على قناة «صدى البلد2»: “ريد فلاج مش آخر أعمالي، أنا يعني شاركت فيه بجزء بسيط جدا، أنا كنت ضيفة شرف، وطالما حاجة ناجحة إيه المشكلة أني اشتغل فيها”.

وعن أعمالها المقبلة: قالت ناهد السباعي: “بنات الباشا هيتم عرضه في شهر 11، ولغاية دلوقتي بقرأ حاجات وبنشوف، لسه ما استقرتش على حاجة"، وبالنسبة لفكرة تأخر زواجها: "دي حاجة قسمة ونصيب وبتاعت ربنا”.

وبشأن ما تردد حول اتهام أبناء العائلات الفنية بالمجاملة في الأدوار أكدت ناهد: “حاجة متوقعة، وأنا مبفكرش بالطريقة دي، إحنا مبنشتغل شغلانة المعيار الأساسي فيها حب الناس، والاستمرار فيها مش علشان الناس كانت بتحب أهلي، هما توفوا، وفي الأول والآخر هو اللي بيخليكي تشتغلي تاني أو تستمري تاني إنك نجحتي وإن جمهورك بيحبك”.