لأول مرة.. عزيز مرقة وحودة بندق يجتمعان في دويتو "دقة" (فيديو)
طرح المطربان عزيز مرقة وحودة بندق، اليوم، أول فيديو كليب غنائي يجمعهما معًا بعنوان "دقة"، في تجربة موسيقية تجمع بين لونين مختلفين، إذ يلتقي أسلوب عزيز القائم على الموسيقى العصرية والديسكو، مع الإيقاعات الشعبية المصرية التي يتميز بها حودة، في عمل صيفي يحمل أجواء شبابية تجمع بين الحب والغزل.
تفاصيل أغنية "دقة" لـ عزيز مرقة وحودة بندق
أغنية "دقة" من كلمات أحمد الجوكر، وألحان عزيز مرقة، وتوزيع ماهر الملاخ، ومن إخراج نيروز أبو زيد، وإنتاج محمد جابر.
وجاء طرح الأغنية بعد تقديمها لأول مرة بشكل "لايف" على المسرح، حيث جمع عزيز مرقة وحودة بندق الجمهور في حفل المدرج الروماني بالأردن، قبل تحويل التجربة إلى فيديو كليب يحمل طابعًا صيفيًا.
كليب "دقة" بأجواء صيفية
وصُوّر فيديو كليب "دقة" داخل أحد المنتجعات السياحية، وسط أجواء صيفية وشبابية، فيما تدور الأغنية في إطار من الحب والدلع والغزل، من خلال كلمات تعبر عن حالة الوقوع في الحب من النظرة الأولى.
وتجمع "دقة" بين الإيقاعات الشعبية المصرية واللمسات الموسيقية العصرية التي يقدمها عزيز مرقة، لتقديم دويتو مختلف عن التجارب الغنائية المعتادة.
كلمات أغنية دقة
وتقول كلمات الأغنية:
من نظرة قلبي راحلها
جرالك إيه يا قلبي لما شوفتها
رد وقالي ماشوفتش واحدة زيها
دي حاجة نادرة ومفيش تاني منها
دق دق أنا قلبي دق
دقة واتلخبط حس فجأة إحساس
فعلًا جديد عليه
واحدة واحدة هو أنا حبيتها إمتى
بكفاية يا قلبي اهدى
فهمني بس حصلك إيه
وأقوله يا قلبي ثواني ثواني
ادينا ثواني نفهم إيه ده
ده تاني انت تاني سهرني ليالي
ما تتقل كده
قالي هي حسيتها
هي مخلوقة ليا من أول نظرتين
دخلت عليا سحرت عينيا
حبيت في ثانية ماعرفش جت منين
دق دق أنا قلبي دق
دقة واتلخبط حس فجأة إحساس
فعلًا جديد عليه
ده ملاك ونازل من السما
نازل مخصوص علشان يوريني الهنا
أنا أنا وقلبي محظوظين يا بختنا
حكايات الحب زادوا اتنين
إنتي وأنا
قول يا قلبي تعالي تعالي
أيام وليالي نعيشها سوا
مزاجي معاكي يا محلا هواكي
أحلى هواك