"بفرحك وأنت تزعلني".. رامي صبري يشعل الصيف بأولى أغنيات "القمر"
طرح النجم رامي صبري، منذ قليل، أولى أغنيات ألبومه الجديد "القمر" تحت عنوان "بفرحك وأنت تزعلني"، تمهيدًا لإطلاق الألبوم الجديد 16 يونيو الجاري، وذلك عبر قناته الرسمية على موقع الفيديوهات العالمي يوتيوب ومنصات الموسيقى المختلفة.
رامي صبري
أغنية "بفرحك وأنت تزعلني" ط، هي من كلمات حازم إكس وألحان رامي صبري وتوزيع كولوبيكس وميكس وماستر هاني محروس وتوزيع رقمي فايرال ويف.
وتقول كلمات أغنية رامي صبري الجديدة بفرحك وأنت تزعلني:.
أنا مهما أعملك اللي بتحبه واللي يرضيك
ليه.. مفيش فايدة فيك
ليه ليه ليه ؟
بفرحك وانت تزعلني
بريحك وانت بتتعبني
بقربك وانت بتبعدني
طب اقولك إيه طيب ؟
بكبرك وانت تصغرني
بقدمك وانت تأخرني
بطلعك وانت تنزلني
ده جزاتي عشان طيب ؟
أنا مهما أعملك اللي انت عايزه وتتمناه
ليه.. كل ده بتنساه
ليه ليه ليه ؟
بضحكك وانت تبكيني
بحنلك وانت تقسيني
بنورك وانت بتعميني
مفرقش معاك قلبي
بدلعك وانت تعذبني
بصدقك وانت تكدبني
بعيشك وانت مموتني
ومخلص على قلبي
ويتواجد رامي صبري في الصيف بقوة بألبوم غنائي مميز مختلف الألوان الموسيقية ويشهد مفاجآت موسيقية متعددة كما يتعاون مع أبرز صناع الموسيقى في مصر لتقديم أغانيه الجديدة.
وحرص رامي صبري على التجديد في الموسيقى المقدمة في ألبومه الجديد من أجل تقديم أغانِ بها عدد من الأفكار المبتكرة، وحرص رامي على التعاون مع أسماء جديدة في صناعة الموسيقى في ألبومه الجديد لإتاحة الفرصة لضخ دماء جديدة في الوسط الموسيقي بالإضافة إلى وضع بصماته على ألحان عدد من أغنيات الألبوم.