بعد رحيل سهام جلال.. ريهام سعيد توجه رسالة مؤثرة: "لازم نموت عشان نتقدر"

وجهت الإعلامية ريهام سعيد، رسالة مؤثرة بعد رحيل الفنانة سهام جلال، فجر اليوم إثر مضاعفات عملية جراحية خضعت لها خلال الساعات الماضية.

سهام جلال 

وكتبت ريهام سعيد، عن تداول العديد من الأخبار عن سهام جلال بعد رحيلها، عبر حسابها الشخصي بموقع التواصل الاجتماعي فيسبوك: “دلوقتي بقت مهمه وأخبارها في كل مكان ؟؟؟؟؟؟؟؟؟؟، عشان ماتت خلاص ففي حاجه نتكلم فيها ؟؟؟، عشان هنصور الجنازة والعزا وهيدخل لنا دولارات ؟؟؟؟، ياما كانت عايزة تظهر وفيديوهات وسوشال ميديا وبتحاول تقول أنا اهو، بس للأسف التمثيل بالذات الناس بتتفق مين يشتعل ومين يقعد في البيت”.

وأضافت: "طلبت المساعده من الزملا وهي عارفه إنه محدش بيساعد غير لو في مصلحه، بقت مهمه وأخبارها كتيرررر بعد ما ماتت، بقت مهمه عشان ماتت لكن وهي عايشه وسطينا بتحاول تقول أنا موهوبه وموجوده محدش عبرها وخصوصا ان إلى بيشتغل شغلنا ده مابيعرفش يشتغل حاجه تانيه".

واختتمت ريهام سعيد، قائلة: "لازم نموت عشان نتقدر، لازم نموت عشان نتقدر، ياما خرجت محدش صورها بس دلوقتي ملمومين حوالين نعشها عشان يتسابقوا يصوروها وهي جثه في رخص كده ؟، الله يرحمك أكيد رحتي للأحسن والأعظم والأرحم".