شديد قناوي: لاعبو الأهلي سبب الهزائم وتراجع النتائج وليس مجلس الإدارة

يرى أحمد شديد قناوي نجم الكرة المصرية السابق، أن لاعبي الأهلي سبب تراجع نتائج الفريق في الفترة الماضية

وقال قناوي في تصريحات مع سهام صالح لبرنامج الكلاسيكو: لعبت 11 سنه في الاهلي، ويكفيني حب جمهور الاهلي في الشاري والناس جعلتني أنسى اي تعب وسمعتي زي الذهب

واضاف: انا كنت وسط عمالقة في الاهلي.. انا مشيت بطريقة صعبة في الاهلي؛ مشيت وانا واقف على رجلي ومزعلتش لما مشيت

وتابع: جاريدو كان بيقولي انت بتيجي متاخر وانا اول واحد كنت باجي.. دي كانت تلاكيك حصل تلاكيك وكابتن علاء عبدالصادق كلمني ومشيت

وواصلي  انا خدت مع الاهلي 21 بطولة واللي ندمان عليه اني خسرت جمهور بورسعيد والمصري ومستر كامل ابو علي والزمالك تفاوض معي مع كابتن حلمي طولان قبل مارجع تاني للاهلي لكن لما سيد عبدالحفيظ كلمني كنسلت كل حاجه عشان الأهلي

وواصل: الجيل بتاعنا كان بيلعب عشان بيحب كورة وبيحب النادي بس لكن دلوقتي الجيل الحالي بيدور على الشو وعلى الجماهير والسوشيال ميديا ومش مهتم

واختتم:فيه كتير في الاهلي بيلعبوا لنفسهم مش للنادي.. والناس عارفه هما مين